UN Woman asina akordu ho UNE-TL. Imajen TATOLI/Osória Marques.

DILI, 17 novembru 2020 (TATOLI)–Xefe UN Woman, Timor Leste, Sunita Caminha, hateten Uniaun Europeia ho ONU nia inisiativa spotligth atu halakon violénsia hasoru feto no labarik feto ne’ebé ho vizaun atu suporta no transforma atetude prátika iha Timor-Leste.

Notisia Relevante: UN Woman asina akordu ho UNE-TL atu hapara violénsia hasoru feto

Nia hatutan, inisiativa ida-ne’e atu suporta igualdade jéneru no sosiedade ida livre hosi violénsia, tanba ne’e UN Woman apresia ho apoiu hosi UE ne’ebé importánsia hosi inisiativa spotligth ne’e.

“Ho ne’e, ami kontene tanba ita bele parséria ho UNE-TL hodi hari’i no haburas rede ida nune’e iha kbiit ba podér juventude hodi halo transformasaun ne’e sai realidade,” Sunita Caminha hatete bainhira asina akordu ho UNE-TL atu hapara violénsia hasoru feto no labarik feto sira, iha Kofi Anan Meeting Hall, UN House, Caicoli, Dili, tersa ne’e. 

Tanba ne’e, nia dehan, mak lansa programa kuríkulu ida ne’ebé hanaran ‘Lian Kontra Violénsia’ iha tinan hitu ba kotuk.  Liuhosi kuríkulu ne’e fó apoiu ba juventude sira hodi bele komprende abut ba violénsia no mós foti asaun hodi prevene no responde violénsia hasoru feto no labarik feto sira, iha sira-nia moris no iha komunidade.

Tuir nia, ida-ne’e hahú fó rekoñesementu katak juventude iha potensiál atu lidera maibé presiza iha espasu no kbiit hodi haburas knaar lideransa sira-nian. Tanba iha kuríkulu ne’e rekoñese katak atetude ne’ebé kontinua akontese ba violénsia feto no labarik feto sira dala barak hahú ho ema individuál.

“Bazea ba peskiza no evidénsia ne’ebé hatudu katak ideia relasiona ho igualdade jéneru ho relasaun ne’ebé respeitozu no mós kbiit hanesan komunikasaun ne’ebé la ho violénsia,” nia dehan.

Iha Timor-Leste populasaun  75% menus hosi idade 35, ida-ne’e signifika katak atu kria futuru ne’ebé livre hosi violénsia maka ita tenke involve juventude hodi bele hari’i futuru hamutuk. Ohin pasu ida ba futuru hosi servisu hamutuk ho parséria Uniaun Europeia, família Nasaun Unida ho Uniaun Nasionál Eskutériu Timor Leste.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here