Estudante CSAO bainhira partisipa ezame nasionál. Imajen Jogerjo Guterres

DILI, 17 novembru 2020 (TATOLI)—Estudante finalista hamutuk na’in 37 husi Eskola Ensinu Báziku no Sekundáriu jerál 10 de Dezembru, no mós Eskola Sekundáriu Jerál 04 setembru UNAMET Balide Dili iha segunda (16/11) la partisipa iha ezame nasionál(EN).

Diretór Eskola Ensinu Sekundáriu Jerál 10 de Dezembru, Domingos Xavio, informa ba Tatoli iha Comoro, segunda (16/11) katak eskola ne’e ho totál estudante finalista hamutuk 584, kompostu husi feto 360 no mane 224, maibé estudante na’in sia (9) maka la marka prezensa iha ezame nasionál.

Notísia Relevante :MEJD enkoraja estudante sira hakaas-an iha ezame nasionál

Tuir nia estudante ne’ebé maka la partisipa ezame ne’e maioria ho problema dokumentu tanba balun seidauk hatama diploma ensinu báziku nian, sertidaun RDTL, sertidaun batismu, sertidaun inan-aman no seluk tan.

Iha parte seluk, Diretór Eskola ensinu Báziku 10 de Dezembro, Calistro Guterres, hateten nia parte aprezenta ona lista estudante finalista hamutuk ema na’in 355 ba Ministériu Edukasaun Juventude no Desportu hodi tuir ezame nasionál maibé estudante na’in neen maka falta durante ezame nasionál loron dahuluk iha segunda ne’e.

Nune’e mós, Diretór Eskola Ensinu Sekundário Jerál 4 Setembru UNAMET Balide Dili, Sergio da Cruz, relata estudante hamutuk na’in 22 maka la tuir ezame nasionál husi totál estudabnte ema na’in 959.

“Ami nafatin tau konsiderasaun katak se karik estudante sira ne’e mak filafali mai husu atu tuir ezame, ami sei esforsu informa ba Minstériu atu fó biban ba estudante sira ne’e iha segunda faze.Tanba ne’e, parte eskola kontinua hein estudante sira ne’e ninia prezensa,”nia hateten iha Balide Dili.

Tuir observasaun Jornalista Tatoli nian ba eskola tolu ne’e nota prosesu ezame nasionál la’o iha ambiente hakmatek, distribuisaun pontu ezame nasionál ba estudante sira mós sufisiente.

Notísia Relevante :Estudante 53,101 Sei Partisipa Ezame Nasionál  

Jornalista : Tomé Amado

Editór :Agapito dos Santos

PUBLISIDADEiklan

HAKEREK NO HATÁN

Please enter your comment!
Please enter your name here