Komandante PNTL Munisípiu Bobonaro, Superintendente Xefe, Octávio de Araújo Bucar. Imajen Tatoli/Antonio Goncalves

DILI, 16 novembru 2020 (TATOLI)- Komandante PNTL Munisípiu Bobonaro, Superintendente Xefe, Octávio de Araújo Bucar   dehan, sira-nia parte sei halo planu operasaun hodi kontrola fogete ilegál ne’ebé iha posivel liu dalan ilegál iha liña fronteira terrestre no tasi Batugade nian.

Notísia Relevante : Timoroan no ema estranjeiru 534 tama TL hosi fronteira Batugade

Planu operasaun ne’e, PNTL Bobonaro sei envolve mós Polísia Unidade Fronteira (UPF), Komandu FALINTIL-Forsa Defeza Timor-Leste  no Autoridade Aduaneira ka Alfándega ho Servisu Migrasaun nian.

“To’o agora ami seidauk kaer ema ne’ebé fa’an fogete ilegál, tanba ne’e ita sei halo planu operasaun atu haree ema labele fa’an fogete ne’e ilegál,” Ocatávio Bucar, informa ba jornalista, ohin, iha Sentru Formasaun Polísia  (CFP), Dili.

Nia hatutan, daudaun ne’e sira-nia parte mós seidauk simu planu operasaun hosi Komandu PNTL nian, maibé Komandu PNTL Bobonaro sempre preparadu atu halo operasaun.

Komandante ne’e apela ba povu Bobonaro fa’an fogete ruma tenke hetan karta autorizasaun legál hosi Governu Timor-Leste.

Tuir nia haree katak, dala ruma iha misa natál no tinan foun sempre mosu problema tanba  juventude  no labarik balun sunu fogete halo rebenta iha misa-laran no fó ameasa ba ema seluk nia vida.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here