Vítima Domingas Soares, ne’ebé salva ninia oan-feto hosi tentativa violasaun sexuál iha Raikotu, foin lalais ne'e. Imajen/Espesiál

DILI, 16 novembru 2020 (TATOLI)-Ministériu Públiku (MP) ho Polísia Sientífika Investigasaun Kriminál (PCIC) servisu maka’as hela hodi kontinua halo investigasaun ida profunda ba  kazu omisídiu agravadu iha Raikotu, Tasi-tolu, Dili, ne’ebé rezulta Domingas Soares mate-fatin no nia-oan feto ho inisiál LM kanek iha liman.

Notísia Relevante : Saran-an ba mate, soi oan-feto hosi tentativa violasaun seksuál

Prokuradór Jerál Repúblika, José Ximenes. Imajen Tatoli /Egas Cristovão

“Dezde inísiu Prokuradoria Distritál Dili servisu maka’as hamutuk ho  PCIC ba  kazu Raikotu hanesan ita hotu hatene agora arguidu iha prizaun preventiva no ita rona ona vítima iha semana kotuk. Ha’u bele promete ba ita boot sira katak antes dezembru,  termina no tama iha prosesu finál,” Prokudór Jerál Repúblika (PGR), José Ximenes, informa ba jornalista, ohin, iha Palásiu  Prezidensiál, Dili.

Nia hateten, faze inkéritu ne’e hodi bele aprofunda kle’an liután prova-sira hosi  akontesimentu krime nune’e bele aprezenta ba iha Tribunál.

José Ximenes dehan, haree ba krime ne’e atinje ema nia vida, nune’e mínimu MP imputa ba arguidu hanesan ho krime omisídiu agravadu, omisídiu tentadu, danu, arma branka ka bele aumenta.

Kazu omisídiu hasoru matebian Domingas Soares no hakanek ba oan-feto LM hosi  suspeitu LH  ne’ebé akontese iha Aldeia Terra Santa, Raikotu, Dili iha loron 30 outubru 2020.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here