Saudozu Armando da Silva. Imajen/Espesial.

DILI, 14 novembru 2020 (TATOLI)–Parlamentu Nasionál (PN), ohin, liuhosi sesaun solene presta omenajen ba saudozu Armando José Dourado da Silva “Mausurik Murak Rai” ne’ebé ho naran konesidu “Fitun” ne’ebé husik ona mundu iha Hospitál Nasionál Guido Valadares (HNGV-sigla portugés) iha kuarta (11 novembru 2020) iha tuku 21:00 kalan.

Notisia Relevante: Organizasaun Fitun sujere haloot Saudozo Fitun iha Jardim Heroi Metinaro

Vise Prezidente Parlamentu Nasionál,  Maria Angelina Sarmento,  hateten PN fó votu pezár ba saudozu Mausurik Murak Rai tanba saudozu nu’udar figura importante ida iha frente klandestina no frente urbana no saudozu mós nu’udar fundadór organizasaun rezisténsia FITUN (Fretilin Iha Timor-Leste Unidu Nafatin) no sai deputadu iha primeira lejislatura Timor-Leste nian.

Sesaun plenária iha ajenda ho númeru 220/V (3), reuniaun ekstraordináriu iha sábadu (14/11/2020) halo sesaun solene hodi presta omenajen ba eis deputadu Armando José Dourado da Silva.

Atu lori saudozu “Mausurik Murak Rai”, deputada Maria Angelina hateten distintu deputadu sira sei la halo tan votu pezár ba saudozu “Mausurik Murak Rai” nian tanba PN la halo deliberasaun ho nune’e PN tuir fali giaun katak kada bankada fó intervensun de’it.

“Ita sei la halo votu pezár ba saudozu ‘Mausurik Murak Rai’ tanba ita la halo deliberasaun, nune’e ita tuir de’it giaun kada intervensun hosi bankada sira iha PN,” Vise Prezidente PN ne’e hateten.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here