DILI, 13 novembru 2020 (TATOLI)-Iha proposta Orsamentu Jerál Estadu (OJE) tinan fiskál 2021, Prokudór Jerál Repúblika (PGR) propoin $4,787,430 hodi korresponde ba nesesidade no programa ne’ebé planeia ona atu implementa.
Notísia Relevante : PN aprova iha espesialidade orsamentu ba PGR $4,084,493
“Hosi proposta orsamentu ne’e, aloka ba saláriu vensimentu $2,264,628, bens servisu $ 1,372,860, kapitál minor $ 499,999, kapitál dezenvolvimentu $649,943 no transferénsia publika laiha (-),” sita dokumentu livru Planu Asaun Nasionál ne’ebé Agência Tatoli asesu, ohin.
Tuir livru Planu Asaun Nasionál medida prinsipál setoriál hosi PGR nian ba tinan fiskál 2021 mak reforsa kapasidade iha ezersísiu kompeténsia konstitusionál, promove dezenvolvimentu institusionál no konsolida boa governasaun ho jestaun institusionál, asegura jestaun ba prosesu krime, ho prioridade ba kazu krime pendente.
Kapasita no jere rekursu umanu, forma proposta polítika no lejizlasaun ho promove boa governasaun no jestaun institusionál no Ministériu Públiku, fortalese kapasidade rekursu umanu.
Prokuradór Jerál Repúblika, José Ximenes ho ekipa, foin lalais ne’e, hala’o ona audiénsia públika ho komisaun A-Parlamentu Nasionál trata asuntu justisa no konstitusionál hodi aprezenta proposta OJE 2021 ba PGR nian.
Jornalista : Nelson de Sousa
Editór : Francisco Simões
