Ezame nasionál. Ilustrasaun

DILI, 13 novembru  2020 (TATOLI)—Servisu Edukasaun Munisípiu Baucau no Bobonaro informa daudaun ne’e sira-nia estudante finalista preparadu atu tuir ezame nasionál ne’ebé sei hala’o iha loron 16 to’o 18 fulan-novembru 2020.

Diretór Servisu Edukasaun Munisípiu Baucau, Felix Ximenes, hafoin simu materia ezame nasionál iha edifísiu MEJD Villa-Verde Dili informa totál estudante finalista hahú husi ensinu báziku to’o tékniku vokasionál iha Munisípiu Baucau hamutuk rihun 3-resin.

Notísia Relevante:MEJD hahú distribui materia ezame nasionál

Estudante sira Eskola Sekundária Katólika Nossa Senhora de Fátima (NOSSEF) Railaco tuir hela ezame. Imajen Tatoli/António Gonçalves

Iha fatin hanesan Diretór Servisu Edukasaun Munisípiu Bobonaro, Alcino Barreto João, hateten Munisípiu Bobonaro iha estudante finalista hamutuk 3.815.

“Estudante finalista hamutuk 3.815 iha Bobonaro mós prontu ona atu partisipa iha ezame nasionál,” nia hateten.

Husi númeru ne’e ensinu báziku terseiru siklu hamutuk 2.354, ensinu sekundária jerál 856 no ensinu tékniku vokasion’al 607.

Tuir diretór servisu edukasaun husi Munisípiu rua ne’e katak hafoin materia ezame nasionál to’o iha idaidak nia fatin sei rai iha Polisia eskuadra antes distribui tutan ba eskola sira iha área rurál.

Entretantu, Ministériu Edukasaun Juventude no Desportu (MEJD) sei garante seguransa ba materia ezame nasionál nune’e labele espalla ba públiku.

Notísia Relevante:MEJD kontrata Sylvia imprime matéria ezame nasionál

Jornalista : Tomé Amado

Editór :Agapito dos Santos 

HAKEREK NO HATÁN

Please enter your comment!
Please enter your name here