Komísariu CAC, Sergio Hornai. Imajen Tatoli/Egas Cristóvão

DILI, 13 novembru 2020 (TATOLI)-Iha proposta Orsamentu Jerál Estadu (OJE) tinan fiskál 2021, Komisaun  Anti-Korrupsaun (CAC)  prevee $1,783,860 hodi konsentra ba programa prioridade tolu.

Notísia Relevante : OJE 2020 ba CAC pasa, prioritiza medida setoriál hitu

Programa ne’e mak hanesan planu estratéjiku  nasionál ba kombate korrupsaun, hametin dezenvolvimentu institusionál no promove polítika area  prevensaun no investigasaun kriminál.

Hafoin halo audiénsia ho Komisaun A Parlamentu Nasionál (PN), ohin, iha sala audiénsia Komisaun A nian iha Parlamentu Nasional, ohin, Komisáriu CAC, Sergio Hornai, informa ba jornalista katak proposta OJE tinan fiskál 2021 CAC prevee $1,783,860 ne’ebé koloka  ba saláriu vensimentu $ 937,966, bens servisu $635,019, kapitál minor $210,875, kapitál dezenvolvimentu ho transferénsia públika laiha (-).

 Nia hateten, tuir tetu ne’ebé Governu fó CAC  iha 2021 por volta millaun $1.7 hafoin  CAC halo tiha armonizasaun iha adisionál por volta $50,000,00 hodi halo ajustamentu balun ba item bens servisu no kapitál minor.

‘’Husu adisionál tanba ho razaun atu bele reforsa liután iha despeza rekorente sira no mós nesesidade ba lei foun  Medida Preventiva (MPCC) atu reforsa iha ekipamentu balun presiza duni hodi apoiu dijitalizasaun iha 2021,” Sergio Hornai hateten.

Tuir dokumentu  livru Planu Asaun Nasionál medida prinsipál setoriál hosi  CAC ba tinan fiskál 2021 mak   promove asaun prevensaun, sensibilizasaun no investigasaun kriminál ba krime korrupsaun iha kualkér forma, pekulatu, abuzu podér, tráfiku influensia no partisipasaun ekonómika negósiu, rekolla analiza informasaun relativa kauza prevensaun korrupsaun, realiza asaun sensibilizasaun destina hodi  limita pratika ba  aktu korrupsaun. Nune’e mós motiva  ema adopta prekausaun ka redús aktu  no situasaun sira  ne’ebé fasilita okorensia konduta kriminoza, akonsella kualkér instituisaun  ka entidade públika  kona-ba forma prevensaun kombate konduta korrupsaun.

Promove asesu justisa, promove boa governasaun ho jestaun institusionál  no fortalese  kapasidade rekursu umanu.

Jornalista   : Nelson de Sousa

Editór        : Francisco Simões

 

 

PUBLISIDADEiklan

HAKEREK NO HATÁN

Please enter your comment!
Please enter your name here