Jogador Nagardjo selebra hela golu hafoin liki klube AS Marca. Imajen /Midia Kopa FFTL.

DILI, 11 novembru 2020 (TATOLI) – Ekipa segunda divizaun Liga Futeból Timor – Leste (LFTL) Nagardjo FC prontu enfrenta Lalenok United FC iha abertura tasa 12 de Novembru ne’ebé sei hala’o iha Estádiu Munisipál Dili, sesta (13/11).

Notísia Relevante : Lalenok sei joga ho kuidadu iha tasa 12 de Novembru

Treinadór Nagardjo FC, Miguel Santos Soares hateten, maski Lalenok ekipa jigante, naran boot no kampiaun iha kopa FFTL, maibé la sai kestaun ka la sai obstákulu boot ba Jagardjo.

“Ami foli halo preparasaun semana ida. Maibé ami sei prepara ho másimu atu  enfrenta Lalenok,” Miguel hateten ba Jornalista, ohin, iha salaun Xanana Sport Centre.

Nia dehan, Lalenok nia frakeza iha parte defeza klaran. Nune’e parte fallansu ne’e mak sei sai alvu ba sira hodi hamate Lalenok nia jogu.

Kona-ba jogadór Nagardjo mantein nafatin ho jogadór anterior ne’ebé joga iha kopa Federasaun Futeból Timor – Leste (FFTL) liubá.

Estratéjia ne’ebé ekipa refere sei utiliza mak oinsá halo tátika ne’ebé di’ak hodi hamate Lalenok nia jogu.

Jornalista   : Hortencio Sanchez

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here