Vise Ministru Interiór, António Armindo. Imajen TATOLI/Egas Cristovao

DILI, 10 novembru 2020 (TATOLI) –Proposta orsamentu Ministériu Interior (MI)  iha planu Orsamentu Jerál Estadu (OJE) tinan fiskál 2021 nian revee $18,359,338.

Notísia Relevante : OJE 2020, MI foku selu dívida PNTL no responde ba família afetadu dezastre naturaís

“Proposta  orsamentu hirak ne’e hotu bazeia ba programa ne’ebé iha ona,”  Vise Ministru Interior, António Armindo hateten hodi responde ba Agência Tatoli iha Parlamentu Nasionál, ohin.

Hosi orsamentu ne’e fahe ba kategoria importante sira hanesan Saláriu vensimentu hamutuk $9,069,537, bens servisu $6,474, 266, kapitál menór $1,720,155, kapitál dezenvolvimentu $95,380 no transferénsia públika $1,000,000.

Planu no programa prioridade iha MI nian iha 2021 mak hanesan, kapasita no forma membru operasionais sira bele garante no kualidade iha atendimentu públiku, garante kualidade atendimentu profisionál imparsiál hodi salva vítima sira afeta ba konflitu, dezastre no asidente.

Estabelese enkuadramentu legal (internu no externu), dezenvolve kooperasaun servisu ho ajente protesaun sivíl (interna) no parseiru internasionál (externa), dezenvolve infraestrutura, edifísiu integradu, edifísiu ba Bombeiru. Implementa polítika ba jéneru no promove boa governasaun ho  jestaun institusionál.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here