ise Ministru Saúde, Bonifácio Maucoli dos Reis. Imajen Tatoli/Antonio Goncalves.

DILI, 09 novembru 2020 (TATOLI)—Governu liuhosi Ministériu Saúde planea rekruta profisionál saúde hamutuk 320 iha tinan oin hafoin proposta Orsamentu Jerál Estadu (OJE) 2021 aprovadu iha Parlamentu Nasionál.

Vise Ministru Saúde, Bonifácio Maucoli dos Reis, informa profisionál 320 ne’e kompostu husi médiku jerál no espesialista, enfermeiru, parteira, laboratóriu, farmasista, tékniku aliadus no seluk tan hodi destaka iha Sentru Saúde, Postu Saúde, Ospitál Referál no Nasionál.

Notísia Relevante:MS sei rekruta profisonál saúde 220

”Orsamentu 2021 mak pasa ita sei rekruta tan profisionál saúde sira tanba ita nafatin menus ba profisionál saúde ita haree iha postu saúde sira, balun médiku iha no balun laiha tanba ida ne’e mak ita tau planu atu rekruta tan,” dehan Governante iha Parlamentu Nasionál, segunda ne’e.

Entretantu, antes ne’e, Diretora Nasionál Rekursu Umanu Ministériu Saúde, Tomasia de Sousa, informa Ministériu Saúde iha fulan-agostu 2020 re-anúnsia vaga 2019 hamutuk 220 ba profisonál saúde.

Tanba iha tinan 2019 liubá Ministériu Saúde loke ona vaga ba profisionál saúde hamutuk 320, maibé durante ezame na’in 100 maka pasa no 220 la pasa hodi adia fali ba 2020.

Husi vaga 220, médiku jerál iha ema na’in 12, médiku espesialista na’in haat, parteira 17, enfermeiru 59, tékniku laboratóriu, famasista, nutrisionista no eletromédiku hamutuk ema na’in 128.

Kalendariu rekrutamentu 2020 nian ne’ebé fó sai husi Komisaun Funsaun Públika iha loron 29 fulan-jullu no ramata iha loron 12 fulan-agostu.

Notísia Relevante:MS Sei Rekruta Pesoál Saúde Sira Ne’ebé Termina Ona Estudu

Jornalista :Felicidade Ximenes

Editór:Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here