Ministru Asuntu Kombatente Libertasaun Nasionál, Julio Sarmento da Costa ‘Meta Mali’. Imajen TATOLI/Egas Cristóvão

DILI, 04 novembru 2020 (TATOLI)—Ministru ba Asuntu Kombatente no Libertasaun Nasionál, Júlio Sarmento da Costa ‘Meta Mali’, informa Governu sei harii uma ba veteranu ne’ebé kompleta tinan 20 to’o 24 luta ba libertasaun nasionál, pur etapa.

“Ami foti etapa tolu,  etapa dahuluk  iha tinan 2020   sei harii uma hamutuk 60, etapa daruak iha tinan 2021 sei harii uma 40 no etapa ikus iha tinan 2022 harii uma 17, nune’e totál hamutuk 117,” Ministru dehan iha Palásiu Governu, kuarta ne’e.

Governu liuhosi desizaun Konsellu Ministru iha loron 28 outubru aprova regulamentu apoiu finanseiru ba veteranu sira.

Notísia Relevante: Governu aprova apoia $40.000 ba kada veteranu konstrui uma

 Ho nune’e sei atribui orsamentu ba kada kombatente libertasaun nasionál ne’ebé kompleta tinan 20 to’o 24 idaidak hamutuk $40.000 hodi harii uma adekuadu no justu.

Tuir governante ne’e, daudaun veteranu balun hahú harii ona uma maibé seidauk hotu no balun ne’ebé halo ona uma sei fó de’it osan.

Kona-ba dadus veteranu tinan 2009, iha posibilidade sei rezolve iha tinan 2021.

Jornalista: Natalino Costa

Editora: Julia Chatarina

1 KOMENTÁRIU

  1. Halo Uma ba Nai Veteranus sira ne los, aseita maibe atan hw hatoo deit ba Nai Ministro Asuntu Veterano e ACLN nms Secretario Estado Gil da Costa (Oan Soru) sera ke destinu ami nb pendente hl hs 2003 nian ho durasaun 4-7 too agora seidauk simu direito ka Osan nb tuir lolos $. 1380 dolares amerikanu, ne oinsa, abaikan ou sei ms tau em konsiderasaun, obrigado

HAKEREK NO HATÁN

Please enter your comment!
Please enter your name here