Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (28/10). Imajen Tatoli/Egas Cristovão

DILI, 28 outubru 2020 (TATOLI)—Governu liuhosi reuniaun Konsellu Ministru aprova projetu dekretu Governu kona-ba regulamentu apoiu finanseiru ne’ebé sei atribui ba kombatente veteranu libertasaun nasionál ida-idak.

Proposta ne’e aprezenta hosi Ministru Asuntu Kombatente no Libertasaun Nasionál, Júlio Sarmento da Costa ‘Meta Mali’.

“Apoia finanseira ne’ebé mak Governu sei atribui ho valór $40.000 ba kada ema, ba kombatente veteranu libertasaun nasionál sira ne’ebé mak luta ba libertasaun nasionál durante tinan 20 to’o 24,” Ministru Prezidénsia Konsellu Ministru, Fidelis Manuel Leite relata hafoin ramata reuniaun ezekutivu iha Palásiu Governu, kuarta ne’e.

Notísia relevante: MAKLN sei aloka osan $2,400,000 konstrui uma 60 ba veteranu

Apoiu ne’e hodi konstrui uma adekuadu no justu ba veteranu hamutuk 60 ne’ebé korresponde ho totál orsamentu millaun $2,4.

Veteranu sira ne’ebé luta durante tinan 24 nia laran iha ai-laran hamutuk na’in-98, ne’ebé barak liu hosi rejiaun I Lospalos, rejiaun II Viqueque, Baucau no seluk tan.

Jornalista: Antónia Gusmão

Editora: Julia Chatarina

5 KOMENTÁRIU

  1. Veteranu sira mak goza ona simu osan fulan fulan governo apoiu tan uma

    Maibé kasian ba sira be la’ós veteranu satán sira balun luta 24 anus too agora nein simu doit ida hosi governo

  2. Oinsa ho veteranus nb falsifika dokumentus.sira mos merese hetan?e balu refuizadu sira mai iha 2005 husi indonesia.nb agr dadauk simu osan.ne akontese iha h nia suku.

HAKEREK NO HATÁN

Please enter your comment!
Please enter your name here