Ekipa futeból feminina hosi MOP ho Telemor hasai foto hamutuk. Imajen/Espesiál

DILI, 28 outubru 2020 (TATOLI) – Torneiu Ministériu Asuntu Parlamentár no Komunikasaun Sosiál (MAPKOMS) iha faze apuramentu, ohin, ekipa feminina hosi Ministériu Obras Públiku (MOP) susesu halakon nia adversáriu Telemór ho golu úniku 1-0.

Notísia Relevante : Telkomcel vs MAPKOMS 8-4

Liuhosi jogu futeból salan (futsal) iha kampu multi funsaun, Bebora, Dili, hahú ekipa rua lansa kontra ho atake ba malu ho tékniku ida-idak nian. Maibé, kontra atake hirak ne’e hela de’it hanesan kontra ho atake tanba iha minutu primeiru la rezulta golu ruma mak akontese.

Hakat ba segunda parte, ekipa MOP halo presaun maka’as ba Telemor, maibé ekipa Telemor kontinua halo defensivu maka’as. Ho nune’e, suta hirak MOP lansa la kona iha alvu.

Jogadora MOP Jenadia Fereira (6) uza kedan oportunidade hodi fura rede Telemor hodi lori score ba 1-0.Golu MOP nian ne’e hanesan golu ikus iha jogu entre ekipa rua tanba to’o minutu remata árbitru huu ápitu naruk hodi termina jogu laiha tan golu ruma mak akontese, nune’e vitória monu ba MOP no Telemor obrigadu tenke derrota.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here