Logotipu CAC.

DILI, 27 outubru 2020 (TATOLI)-Ministru Prezidénsia Konsellu Ministru (PCM), Fidelis Leite Mangalhães hateten, planu estratéjiku hosi Komisaun Anti-Korrupsaun (CAC), 2021-2025, ne’ebé daudaun CAC dezenvolve hela sei haforsa nivel  Estadu nian iha luta kontra kombate korrupsaun iha Timor-Leste.

Notísia Relevante : PGR rekoñese CAC nia prestasaun servisu di’ak

Ministru Prezidénsia Konsellu Ministru, Fidelis Manuel Leite Magalhães. Imajen Tatoli/Egas Cristovão

“Parte Governu hola mós atu sai na’in ba inisiativa  hirak ne’ebé iha planu estratéjiku ne’e sei hatuur atu nune’e bele forsa nivel Estadu ba esforsu koletivu luta kontra korrupsaun,” Ministru Fidelis Leite Mangalhães, hateten hafoin partisipa iha sorumutu ne’ebé realiza hosi CAC kona-ba konsulta públiku  ba dezenvolvimentu planu estratéjiku  CAC  periodu  2021-2025 ho tema; CAC iha pasadu, prezente no futuru ne’ebé, ohin, hala’o iha Salaun  São João, Comoro, Dili.

Nia hatutan, ho lei Medida Prevensaun Kombate Korrupsaun (MPCC) sei apoiu liután servisu CAC nian iha luta kontra no kombate korrupsaun.

“CAC halo esforsu liután para sira nia dezempeñu ba oin di’ak liután, agora importante ita haree medida ne’ebé fasilita ba implementasaun lei-ne’e rasik,’’ Fidelis Leite Mangalhães hateten.

Nia husu CAC presiza hadi’a rekursu umanu bele fasilita servisu sira ,hadi’a  di’ak liután kuadru investigadór  CAC  no mós  halo diseminasaun forte liután ba servisu ho medida preventiva iha esforsu kombate korrupsaun.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here