Prezidente Komisaun A (Justisa no Konstitusionál), Joaquim dos Santos ‘Boraluli’. Imajen Tatoli/Egas Cristóvão

DILI, 22 outubru 2020 (TATOLI)—Parlamentu Nasionál (PN) liuhosi Komisaun A (Justisa no Konstitusionál) planeia atu sensibiliza lei Medida Prevensaun no Kombate Korrupsaun (MPCC-sigla portugés) iha 2021 ba sidadaun sira nune’e bele komprende atu kombate korrupasaun iha Timor-Leste.

Notisia Relevante: CAC hahú halo ona sensibilizasaun kona-ba Lei MPCC

Prezidente Komisaun A, Deputadu Joaquim dos Santos, hateten komisaun hanoin hela ba programa ida atu halo sensibilizasaun ba lei MPCC ne’e.

“Ami to’o ona konsensu katak iha fulan-janeiru ba oin ne’e ka iha oportunidade kuandu orsamentu jeral estadu 2021 ne’e kuandu hotu karik, ami hahu ona atu sensibiliza, audiénsia  ka halo semináriu ruma hodi esklarese ba públiku kona-ba lei MPCC ne’e,” Prezidente Komisaun A ne’ebé trata asuntu Justisa no Konstitusionál ne’e informa ba jornalista sira iha resintu Parlamentu Nasionál, kinta ne’e.

Tuir ajenda ne’ebé iha, aban (23/10), Diretór Jerál Komisaun Antí Korrupsaun (CAC-sigla portugés), Rosário Salsinha de Araújo, hala’o jornada sensibilizasaun lei refere ba dirijente, Sekretariadu no funsionáriu Parlamentu Nasionál nian.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here