Seremónia entrega sertifikadu ba formandu iha Sentru Kulturál Portugués iha Dili, sesta (11/09/2020). Imajen/Dok.PMFO

DILI, 13 outubru 2020 (TATOLI)- PFMO “OSAN POVU NIAN, JERE HO DI’AK” inisia formasaun Ateliê Jornalismu Dadus (2ª edisaun) ba profisionais komunikasaun sosiál ka  jornalista timor-oan hamutuk na’in-20.

Notísia Relevante : Jornalista Nain 37 Tuir Formasaun Rekolla Dadus

Formasaun ne’e hala’o iha salaun formasaun PFMO iha Páteo, Díli  hahú iha loron 12 to’o loron 30 outubru, tinan ne’e.

Projetu PFMO-komponente 2 iha ko-finansiamentu hosi Uniaun Europeia (UE) no ko-finansiamentu no jestaun hosi Camões I.P. setór prinsipál ba projetu promove ba boa governasaun no objetivu hosi intervensaun ida ne’e mak atu kontribui ba dezenvolvimentu sustentável Timor-Leste nian, liuhosi jestaun no supervizaun ba Finansas Públikas, ne’ebé transparente liu no orientada ba sidadaun.

Formasaun ida-ne’e iha formasaun oras totál 60 no diresionadu ba jornalista sira hosi órgaun komunikasaun sosiál  iha Timor-Leste no realiza ho apoiu hosi CENJOR (Centro Protocolar de Formação Profissional para Jornalistas). Atu ultrapasa difikuldade sira hosi formasaun prezensial, formasaun ida ne’e sei realiza ho sistema videokonferénsia, hosi Plataforma Zoom, ho realizasaun ba sesaun simultáneu no sira seluk iha tempu diferidu, hamutuk ho traballu autónomu ho tutoria ne’ebé realiza iha sala ho formandu sira.

Nota  komunikadu imprensa hosi PFMO ne’ebé Agência Tatoli asesu, ohin, relata katak, Ateliê Jornalizmu dadus matéria formasaun ne’ebé fó hosi formadór PFMO sei aprezenta mak hanesan : (i) jornalizmu dadus no dezafiu foun sira ba Profisaun jornalista nian; (ii) Saida mak dadus abertu no ninia importánsia ba transparénsia no traballu jornalistiku iha nasaun sira ho fundasaun demokrátiku; (iii) Vizualizasaun dadus hanesan forma privilejiadu ida atu hatudu informasaun ho maneira klaru; (iv) Fonte dadus ho kualidade: hetan dadus ba traballu jornalistiku iha ne’ebé; (v) Konta istória sira ho dadus: posivel abordajen – traballu ho dadus espesífiku kona-ba Timor-Leste; (vi) Projetu cofinanciado pela União Europeia, cofinanciado e gerido pelo Camões I.P. OSAN POVU NIAN JERE HO DI’AK (PFMO – C2) esplora dadus: ferramenta sira ba análize dadus – O Microsoft Excel; (vii) rekolla no tratamentu dadus atu konta istória ida ho dadus ho linguajen klaru no komprensivel – ferramenta sira ba tratamentu no vizualizasaun ba dadus; (viii) Planeamentu ba traballu jornalistiku ho dadus uza ferramenta sira ba tratamentu no vizualiza dadus esplanadu iha formasaun; (ix) Aplikasaun téknika sira no métodu sira ezekusaun ba traballu jornalistiku, kombina traballu dadus no ninia vizualiza kona-ba matéria sira husi atualidades ho relevánsia kona-ba prestasaun servisu públiku sira iha Timor-Leste.

Atividade temátiku ida mak previstu iha ámbitu parseria entre CENJOR no PFMO-C2 ba fortalesimentu ba profisionál sira komunikasaun sosiál iha Timor-Leste, iha programa kolaborasaun inisiadu iha novembru 2019, ho kontinuasaun iha tinan 2020, 2021 no 2022.

Ida ne’e hanesan atividade temátiku ida mak previstu iha ámbitu parseria entre CENJOR no PFMO-C2 ba fortalesimentu ba profisionál sira komunikasaun sosial iha Timor-Leste, iha programa kolaborasaun inisiadu iha novembru 2019, ho kontinuasaun iha tinan 2020, 2021 no 2022.

Kona-ba PFMO – Komponente 2 Uniaun Europeia no Camões, I.P. asina, iha loron 4 agostu 2017,– ba implementasaun komponente 2 hosi “Parseria ba melloria prestasaun ba servisu sira hosi reforsu ba jestaun no supervizaun ba finansas públikas iha Timor-Leste” (PFMO), iha ámbitu konvensaun finansiamentu omónimu selebradu entre Uniaun Europeia no Repúblika Demokrátika Timor-Leste iha marsu tinan hanesan, fundu Europeu Dezenvolvimentu.

PFMO inklui komponente rua, no komponente rua dirije ba apoiu no reforsu ba sistema pezu no kontrapezu hosi autór estatál sira no la-estatál sira, ba fortalesimentu partisipasaun hosi entidade nasionál sira iha prosesu foti desizaun no supervizaun ba finansas públikas, ho vizaun ba melloria prestasaun servisu públiku.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here