Prezidente CI, Virgílio da Silva Guterres "Lamukan". Imajen TatoliAntónio Goncalves

DILI, 13 outubru 2020 (TATOLI) – Conselho de Imprensa de Timor-Leste (CI) komprometidu hodi koopera ho asosiasaun jornalista no komponente órgaun komunikasaun sosiál sira iha Timor-Leste, liuliu jornalista sira atu hamutuk nafatin luta kontra notísia falsa ka fake news no hoax.

Notísia Relevante : EUA apoiu jornalista TL luta kontra notísia falsu

“Agora informasaun falsa barak la halimar, liuliu iha media sosiál hanesan Facebook. Atu kombate buat sira-ne’e, oinsá ita jornalista sira mak buka informasaun ka hakerek notísia mak tenke hatudu diferente, mak fó sai informasaun ne’ebé loos ho fontes ne’ebé klaru,” Virgílio da Silva Guterres “Lamukan” hateten bainhira sai oradór iha formasaun kontra notísia falsa ne’ebé organiza hosi asosiasaun jornalista Timor-Leste Press Union (TLPU), ohin, iha JL Vila,  Fatuhada,  Dili.

Nia dehan, fontes informasaun ne’ebé klaru mak hanesan, jornalista atu entrevista fontes ruma tenke haree no ema refere merese atu fó duni informasaun ka lae. Katak fontes ne’e iha duni kompeténsia no autoridade ba informasaun sira ne’ebé jornalista atu hakerek no publika iha nia meiu komunikasaun sosiál.

Daudaun ne’e, VIII Governu konstituisaun liuhosi Sekretaria Estadu Komunikasaun Sosiál (SEKOMS) iha ona planu atu servisu hamutuk ho sosiedade tomak atu kontra notísia falsa ne’ebé sai ona hanesan dezafiu foun iha mundu jornalizmu nian.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here