Representante Diretór Jerál HNGV, Duarte Marçal Araujo. Imajen/ Tatoli Egas Cristovão

DILI, 08 outubru 2020 (TATOLI)-Diretór Administrasaun Finansa no Lojístika, Ospitál Nasionál Guido Valadares (HNGV-sigla portugés), Duarte Marçal Araújo, hateten Konsellu Diretivu HNGV plenea ona atu hari’i sala verry important person (VIP) ho andar ida iha tinan 2021.

”Orsamentu 2021 mak iha ami hakarak hadi’a hotu kondisaun Ospitál Nasionál Guido Valadares hakarak halo fali kontrusaun foun ba iha VIP nian,” nia informa asuntu ne’e iha Ospitál Bidaun, kinta ne’e.

Notísia Relevante :Governu Sei Halo Manutensaun Ba Sala VIP HNGV

Konstrusaun ba edifísiu VIP foun ho andar ida ne’e, tuir planu sei instala ho kama hamutuk 12 para atende pasiente bainhira halo internamentu iha sala VIP HNGV nian.

Daudaun ne’e, sala VIP Ospitál Nasionál Guido Valadares iha kama 40 hodi atende pasiente nasionál no estranjeiru, ba Timoroan kada loron selu $ 35 no ema estranjeiru $50.

”Ami konsidera (konstrusaun foun ne’e)hanesan VVIP para ita-nia membru Governu ruma moras karik bele toba iha ne’e entaun ida ne’e mak ami nia planu ba oin,” nia hateten.

Notísia Relevante :Sala VIP HNGV Atende Ema Hotu

Jornalista : Felicidade Ximenes

Editór :Agapito dos Santos

HAKEREK NO HATÁN

Please enter your comment!
Please enter your name here