Klube Fitun Estudante Lorosa’e (FIEL) . Imajen/Dok.LFA

DILI, 08 outubru 2020 (TATOLI) – Hafoin Liga Futeból Timor – Leste (LFTL) deklara ba públiku loke ona rejistrasaun ba klube primeira divizaun no segunda divizaun ba Tasa 12 Novembru, ekipa FIEL FC liuhosi nia Prezidente José da Conceição, deklara preparadu hodi kompete iha jogu ne’e.

Notísia Relevante : LFTL loke ona rejistrasaun ba Tasa 12 de Novembru

“Jogu saida de’it, ami sempre preparadu. Ami sei uza nafatin jogadór lokál sira ne’ebé agora joga hela iha Kopa Federasaun Futeból Timor – Leste (FFTL),” hateten José da Conceição ba AgênciaTatoli, ohin, iha Estádiu Munisipál Dili.

Nia dehan, maski ekipa barak halo kontratu ho jogadór hosi internasionál, maibé FIEL mantein ho jogadór lokál hodi promove jogadór timor-oan.

Kona-ba rejistrasaun hodi kompete iha Tasa 12 Novembru, nia relata, iha hela faze preparasaun no tempu besik sei submete lista jogadór ba LFTL nune’e partisipa jogu refere iha novembru mai ne’e.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here