Prezidente Federasaun Atletizmu Timor – Leste, Afrânio Xavier Amaral. Imjen Tatoli/Dok

DILI, 06 outubru 2020 (TATOLI) – Prezidente Federasaun Atletizmu Timor – Leste, Afrânio Xavier Amaral, hateten planu prioridade  FATL  ba tinan foun 2021 nian, fó formasaun ba arbitrajen no treinadór sira hodi mellora liután  sira-nia koñesimentu.

Notísia Relevante : Afrânio Kontinua Lidera FATL

“Federasaun Atletizmu ba tinan oin nian, ita submete ona planu ba Sekretaria Estadu Juventude no Desportu iha programa prioridade formasaun ba arbitrajen, formasaun ba treinadór la’ós de’it iha nivel nasionál, maibé formasaun halo iha nivel munisípiu,” dehan Afrânio Xavier Amaral , ohin, ba Agência Tatoli iha edifísiu FATL, Jináziu, Dili.

Nia fó razaun katak, formasaun halo iha nivel munisípiu tanba daudauk ne’e rekursu kona-ba espíritu desportu liu-liu iha Atletizmu sei mamuk.

Tuir dadus ne’ebé iha FATL arbitrajen hamutuk 18, treinadór hamutuk 18 no atleta ne’ebé iha klasifikasaun di’ak sempre sai manán na’in hamutuk 200 resin.

Entretantu, atividade treinamentu ba atleta sira kada loron sempre hala’o iha Estádiu Munisipál Dili.

“Ami nia atividade loroloron sempre hala’o. Foin lalais Covid-19 ne’e mós ami nia atividade treinamentu halo mak ho distánsia sosiál, ne’ebé preparasaun ami nian lao hela de’it,” dehan Afrânio Xavier.

Jornalista   : Hortencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here