Eis Prezidenti da Republika, Ramos Horta.Imajen/Antonio Goncalves.

DILI, 05 outubru 2020 (TATOLI)–Laureadu Prémiu Nobel da Paz no Eis Prezidente Repúblika, José Manuel Ramos Horta, husu ba joven sira iha interese atu hasa’e koñesementu iha área lideransa nian tenke iha kakutak dedikasaun no disiplina ba estuda.

Notísia Relevante: Ramos Horta husu foinsa’e sira estuda Xanana Gusmão nia lideransa

“Joven sira mós tenke iha kakutak dedikasaun no disiplina ba estuda. Tanba, ha’u rona beibeik katak futuru nasaun nian pertense ba joventude nian. Nasaun ida atu la’o ba oin presiza juventude nia kontribuisaun tanba ne’e papél juventude iha dezenvolvimentu ne’e importante,” dehan Laureadu Prémiu Nobel da paz, José Ramos Horta, ba jornalista sira hafoin halo abertura ba treinamentu Lideransa nian ba Joven sira ne’ebé realiza hosi Rotary Youth Leadership Awards Timor Lorosa’e (RYLA-TL), iha Fatin Unio Maloa Training Center, Semináriu Ailok-Laran, Dili, segunda ne’e.

Eis Prezidente Repúblika ne’e hatutan, maske futuru pertense iha juventu maibé tenke kontinua tau matan makaas ba juventude liuhosi edukasaun eskola ne’ebé kualidade no oinsá halo programa espesiál ida ba iha universidade hotu-hotu monta mekanizmu sistema saúde hosi haree estudante sira-nia saúde.

“Tanba ita atu apoiu juventude dahuluk tenke haree sira-nia saúde no kualidade edukasaun. Tanba ne’e, Governu tenke kontinua tau matan makaas ba juventude liuhosi edukasaun no  eskola kualidade. Tenke haree programa espesiál ida. Governu, favór haree Ministériu Saúde ho ita-nia doutór sira oinsá halo programa espesiál ida ba universidade hotu-hotu, monta mekanizmu sistema iha universidade ne’e atu Chek Up ba estudante hotu-hotu tanba sira mak futuru nasaun nian,” nia esplika.

Jornalista: Osória Marques

Editór: Cancio Ximenes

1 KOMENTÁRIU

  1. Los duni. Hanesan Joven Rona avo ramos nia liafuan sente liberdade oh domin, maske iha probelama moris, maibe hanesan prosesu ida .laos problema ho liu husi Ida nee mak joventude sai forsa liu tan.
    Joventude Timor Leste sei lakoi hamosu Probelam iha rai Ida neee. Tenki hamtuk hdi Lori vitoria ba foturu. Katak nenek Ka bebeik timor tenki diak Liu iha foturu….

HAKEREK NO HATÁN

Please enter your comment!
Please enter your name here