Labarik sira aproveita tempu hodi halimar bisikleta no tuur halimar iha ai-leten. Imajen/TATOLI

DILI 05 outubru 2020 (TATOLI)-Durante fulan agostu, Sentru Saúde Becora rejista pasiente ho moras infesaun vias respiratória ka ISPA hamutuk 1.863, moras kulit ka dermatolojia 895, diarea 349 no isin katar 179.

Iha fulansetembru moras ISPA 1.923, Moras kulit seluk 784, moras diarea 323, no moras katar hamutuk 182.

Notísia Relevante :Sentru Saúde Becora Rejísta Pasiente ISPA Hamutuk 1584

Xefe Sentru Saúde Becora,  Adelina Pinto, informa infesaun vias respiratóriu ho diarea maioria afeta ba labarik ho tinan lima mai kraik.

“Agora daudaun tempu bailoron hamosu rai rahun maka’as, inan-aman ladun fó atensaun ba labarik sira ne’e bele hetan moras ispa no moras kulit tanba iha área Cristo Rei, tempu bailoron hanesan ne’e bee menus depois komunidade sira ladun haris bele hamosu moras kulit, labarik kiik sira ladun fase liman tanba be’e laiha entaun bele hamosu diarea ,” nia apela ba inan-aman sira iha entrevista ho Tatoli, iha ninia servisu fatin Becora Dili, segunda ne’e.

Enkuantu,  moras kulit no isin katar maioria sofre husi ema adultu sira.Tanba ne’e, Sentru Saúde Becora halo prevensaun liuhosi promosaun edukasaun ba iha kliníka movél, Sistema Integradu Saúde Komunitária (SISKA). Kona-ba ai-moruk, iha Sentru Saúde Becora sei sufiente hela ba moras sira ne’ebé mak iha.

”Kona-ba ekipamentu iha Sentru Saúde Becora liliu ba aparellu ne’ebé mak koko tensaun mak menus iha ami-nia fatin no mós thermoscan maibé pedidu sira ne’e ami halo ona ba Munísípiu Dili maibé seidauk iha solusaun,” nia relata.

Notísia Relevante :ISPA,Moras Kulit Domina iha SSC

Jornalista : Felicidade Ximenes

Editór:Agapito dos Santos

HAKEREK NO HATÁN

Please enter your comment!
Please enter your name here