Eskultór José do Carmo simu sertifikadu akreditasaun hosi Bispu Dioseze Baucau, Don Basílio do Nascimento hosi. Imajen TATOLI/Joanico de Araújo.

QUELICAI, 03 outubru 2020 (TATOLI)—Bispu Dioseze Baucau, Don Basílio do Nascimento  hamutuk ho Kongregasaun Salesiana Don Bosco no sarani katolika Parókia Santa Teresinha do Menino Jesus entrega sertifikadu akreditasaun ba eskultór nu’udar sinál rekoñesimentu nian ba obra ne’ebé José do Carmo “Zeca” mak halo ho gratuitamente.

Notísia Relevante: PR Lú Olo: “Monumentu Pe. João de Deus fó hanoin hahalok di’ak ne’ebé kesi ba povu Timór”

Eskultór, José do Carmo, hateten nu’udar pesoál nia sente kontente tanba sarani no igreja liuhosi sertifikasaun akreditasaun ba ninia Mão de Obra ida ne’e, ida-ne’e hanesan valór ass liu ba obra ne’ebé nia hakarak estátua avó João de deus nian ne’e ba ninia oan no beioan sira duké osan.

Eskultór José do Carmo simu sertifikadu akreditasaun hosi Bispu Dioseze Baucau, Don Basílio do Nascimento hosi. Imajen TATOLI/Joanico de Araújo.

“Ha’u-nia sentimentu pesoál kontente tebe-tebes. Ita lalika haree ba osan maibé ita haree ba ema-nia sentimentu profundamente hosi sarani no igreja liuhosi sertifikasaun akreditasaun ba ha’u-nia Mão de Obra ida ne’e. Valór aas liu ba obra ne’e mak ha’u hakarak estátua avó João nian ne’eba ha’u-nia oan no beioan sira duké osan,” dehan Eskultór José do Carmo “Zeca” ba Agência TATOLI bainhira ramata inagurasaun estátua Padre João de Deus Pires, iha igreja Quelicai, sábadu ne’e.

Entretantu, Prezidente Komisaun Organizadora, Sebastião Pereira Pires Gaio, hateten Eskultór José do Carmo nu’udar mós antigu alunu Don Bosco nian, ne’ebé mak ho disponibilidade tomak halo estátua Saudozu Pe, Joáo de Deus Pires, SDB, nian.

Iha biban hanesan, liurai Quelica Antigu, Alexandre Guterres, nuudar kolaboradór Pe. José de Deus ne’ebé mak sei moris ho idade 87 anos, sente kontente tebe-tebes tanba Quelicai-oan sira la haluha amu matebian ninia obra hirak ne’ebé mak ho ninia favór ne’ebé mak halo ba Quelicai oan sira sai sarani di’ak no matenek.

Nia dehan, nuudar liurai antigu serbisu hamutuk ho amu matebian desde tinan 1961 to’o nia hakotu nia iis iha loron 22 de setembru 2019 nia sente kontente nafatin sei bele haree Pe. João de Deus nia ilas liuhosi estátua ne’ebé hatuur hela ne’e.

“Kuandu, Quelicai-oan sira iha planu atu harii estatua, nu’udar liurai antigu ha’u apoiu totál no sente kontente tebe-tebes. Tanba, ami hakarak haree nafatin nia, maske nia ba ona mundu seluk. Saida mak matebian la fó mai, buat hotu-hotu nia fá ba ami, igreja nia fó ba ami, eskola no sel seluk tan. Tan deit Pe. Joăo de Deus, SDB, ami Quelicai-oan sira mós hetan buat hotu-hotu iha tempu ohin loron. Nune’e, ami merese tebes atu fó omenajen ba nia,” nia dehan.

Nia dehan, nu’udar liurai antigu koñese didi’ak Padre Joăo de Deus katak padre portugés nu’udar ema ida ne’ebé simples, badinas serbisu, pasensia, domin na’in no selu-seluk tan.

Jornalista: Domingos Piedade Freitas

Editór: Cancio Ximenes

HAKEREK NO HATÁN

Please enter your comment!
Please enter your name here