Jogador ekipa Porto Taibesi joga hasoru Sporting Klube de Timor.Imajen/Midia FFTL.

DILI, 29 setembru 2020 (TATOLI)-Klube Portu Taibesi, iha tersa ne’e tenki simu derrota ho ninia adversáriu Sporting Klube de Timor ho eskoru 2-0 iha jogu kopa Federasaun Futeból Timor-Leste (FFTL), iha Estádiu Munisipál Dili.

Ho vitoria ne’e fó risku ba klube kapitál Dili Karketu Dili atu hakat ba oitavu finál basa klube iha pontu sia no ramata ona sira-nia jogu, maibé Porto Taibesi iha pontu neen, nune’e Sporting Klube de Timor mós iha pontu neen, maibé klube rua ne’e sei falta jogu dala ida.

Notísia Relevante :Posibilidade Porto Taibesi no Sporting tebe sai Karketu

Sporting  iha pontu 6, no Porto mós iha pontu 6 maibé diferente mak bola. Ekipa Sporting  ho Aitana sei iha jogu ikus, bainhira  iha jogu ne’e maka Sporting manán Aitana ho valór 3 ba leten maka ekipa Sporting  otomátikamente avansa ba oitavu finál.

Nune’e iha jogu ikus entre Porto ho Academica maka Porto manan  ho golu boot, klube ne’e sei avansa ba oitavo finál.

Iha jogu ohin nian, ekipa Klube Portu Taibesi, ho Sporting Klube de Timor lansa atake ba malu iha jogu parte dahuluk nian maibé la konsege hatama golu ruma.

No hakat ba parte daruak, ekipa rua kontra bola ba malu nune’e iha minutu 72, oportunidade monu ba klube Sporting tanba ninia jogadór, Lexy Atok hatama golu dahuluk ba rede Porto hodi muda rezultadu 1-0.

Jogu komesa manas liután, mentalidade Porto komesa tuun, tanba ne’e Sporting uza kedan frakeza ne’e hodi prodúz tan golu ida iha minutu 88 husi jogadór Alexandre da Cruz (24).

Ho golu ikus ne’e maka termina jogu entre klube rua ne’e ho valór 2-0.

Jogu ne’e dirije hosi árbitru, Francisco Pereira, Juiz liña António Carvalho, Duarte Soares no árbitru rezerva Elisio Lopes.

Notísia Relevante :Manán mihis, Karketu iha posibilidade hakat ba oitavu finál

Jornalista: Hortencio Sanchez

Editór : Agapito dos Santos

HAKEREK NO HATÁN

Please enter your comment!
Please enter your name here