Sekretária Jerál Parlamentu Nasionál, Cedelizia Faria dos Santos. Imajen Mídia UNESCO.

DILI, 29 setembru 2020 (TATOLI)—Parlamentu Nasionál (PN) lideradu Deputadu Aniceto Longuinhos Guterres Lopes prioritiza programa lima (5) iha tinan fiskál 2021.

Notísia Relevante: Orsamentu Privativu PN aprovadu iha faze jeneralidade

“Ita iha programa 5 ba 2021 ho nia sub-progama sira mak garante ezersísiu funsaun konstitusionál parlamentu nian, promove kultura abertura no transparénsia iha Parlamentu Nasionál, hametin relasaun internasionál no kooperasaun parlamentár, konsolida funsionamentu administrativu parlamentu nian no ikus mak programa transversál,” Sekretária Jerál Parlamentu Nasionál, Cedelizia Faria dos Santos, esplika liuhosi diskusaun orsamentu privadu, iha Parlamentu Nasionál, tersa ne’e.

Bazea ba Planu Asaun Anuál hosi Parlamentu Nasionál, programa dahuluk kona-ba garante ezersísiu funsaun konstitusionál parlamentu nian ho sub-programa atu foralese reprezentasaun demokrátika, programa ba fortalesimentu inisitiva no fiskalizasaun lejizlativa, fortatelese fiskalizasaun orsamentál no polítika.

Programa duaruk, promove kultura abertura no transparénsia iha Parlamentu Nasionál ho sub-programa “ita-nia parlamentu”.

Programa datoluk, hametin relasaun internasionál no kooperasaun parlamentár ho sub-programa relasaun internasionál no programa kooperasaun internasionál.

Programa dahaat, konsolida funsionamentu administrativu parlamentu nian ho sub-programa fortalesimentu administrativu.

Programa dalima, programa transversál ho sub-programa formasaun parlamentár no programa promosaun igualdade jéneru liuhosi  Grupu Parlamentár Timor-Leste (GMPTL-sigla portugés).

Programa 5 ne’e bazea ba Planu Estratéjiku Parlamentu Nasionál nian 207-2022, ne’ebé define objetivu jerál ba tinan fiskál 2021 mak hanesan promove demokrasia parlamentár, asegura orientasaun estratéjika sira iha ámbitu dezenvolvimentu institusionál parlamentu nian, asegura atuasaun ida ho efikáz iha ámbitu relasaun internasionál no promove diplomasia parlamentár, presta servisu ho kualidade hosi deputadu sira tantu iha sesaun plenária, komisaun parlamentár no órgaun sira seluk iha Parlamentu Nasionál.

Entretantu área infraestrutura parlamentu nian, ekipamentu no meiu materiál hodi dezempeña mais efetivu liu ne’ebé asume funsaun lejizlativu, fiskalizasaun no reprezentasaun.

Planu estratéjiku ne’e mós eleva sensibilidade kompreensaun para konstrusaun ba konsensu entre membru GMPTL no deputadu sira iha parlamentu nune’e promove importánsia abordajen integrada jéneru, asegura funsionamentu efetivu Konsellu Konsultivu Fundu Petrolíferu (CCFP-sigla portugés), asegura asesoria no pareser ba parlamentu relasiona ho utilizasaun fundu petrolíferu hodi finánsia Orsamentu Jerál Estadu (OJE) tenke obidiénsia ba Lei Fundu Petrolíferu.

Hosi programa hirak ne’e mak prevee montante orsamentu $16.984.066 ne’ebé fahe ba saláriu no vensimentu $5.581.083, bens no servisu $6.250.029, kapitál minór $492.796, kapitál dezenvolvimentu $3.000.000 no transferénsia públika $1.462.000.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here