Logotipu JSMP

DILI, 29 setembru 2020 (TATOLI)-Organizasaun la’ós Governu nian hosi  Programa Monitorizasaun  ba Sistema Judisiál (JSMP, sigla inglés), fasilita treinamentu kona-ba ”Demokrasia no kna’ar Órgaun Soberanu, partisipasaun públiku iha prosesu halo Lei no asesu ba justisa formal  iha Timor-Leste” ba komunidade Postu Administrativu Laclo, Munisípiu Manatuto.

Notísia Relevante : JSMP kontinua fó formasaun demokrasia no asesu justisa formál

“Treinamentu ne’e fasilita ba komunidade sira iha Suku Uma Naruk, Postu Administrativu  Laclo, Munisípiu Manatuou ho total partisipante na’in-15, kompostu hosi feto na’in-hitu no mane na’in-ualu,” haktuir nota komunikadu JSMP nian ne’ebé Agência Tatoli, asesu, ohin.

Programa treinamentu ne’ebé JSMP realiza hetan apoiu hosi Governu Timor-Leste liuhosi fundu sosiedade sivíl iha Gabinete Primeiru-Ministru.

Atividade treinamentu ne’e hanesan kontinuasaun ne’ebé antes ne’e la’o iha munisípiu sira seluk ne’ebé partisipa direita hosi  membru Konsellu Suku no partisipante sira seluk.

Materia treinamentu JSMP partilla ho nia alvu  nu’udar meiu ida atu bele habelar informasaun no hasa’e koñesimentu membru konsellu suku  no partisipante sira nian ligadu ho demokrasia no oinsá atu asesu ba justisa formál iha Timor-Leste. Nune’e ho mekanizmu ida ne’e, membru konsellu suku sira bele dezempeña sira-nia knaar ho di’ak iha komunidade no tulun komunidade atu rezolve sira-nia problema tuir dalan ne’ebé loos no apropriadu tuir lei.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here