Ró Haksolok. Imajen/Dok. ZEESM

DILI, 28 setembru 2020 (TATOLI)-Prezidente Tribunál Rekursu (PTR)  nu’udar mós Prezidente Kamara Konta, Deolindo dos Santos, promete sei fó sai rezultadu ba públiku kona-ba auditoria polémika Ró Haksolok.

Notísia Relevante : Alkatiri: Ró Haksolok Tenke iha Desizaun

Prezidente Tribunál Rekursu, Deolindo dos Santos. Imajen Tatoli/Egas Cristovao

“Iha prosesu ida-ne’e iha auditoria Tribunál hateten buat balun iha ne’ebá depois iha rekomendasaun balun iha ne’ebá. Komu prosesu ne’e iha auditoria nia-laran la’o hela kada vez ita boot sira no públiku hakarak hatene buat balun mais enkuantu Tribunál  buat ne’ebé sei prosesu nia-laran ha’u la bele hatete uluk,” dehan Deolindo dos Santos, hodi responde jornalista iha Palásiu Prezidensiál, Dili, ohin, hafoin hasoru malu ho Prezidente Repúblika.

Nia informa, Tribunál Kamara Konta daudaun ne’e kontinua  hala’o auditoria ba Ró Hakslok ne’ebé durante ne’e sai polémika iha públiku no nia promete tempu oportunu públiku sei hatene regra trazmutasaun halo oinsá. Tanba ne’e, Deolindo dos Santos, hatete, normálmente auditoria ne’ebé la’o  kuandu termina sei públika no sei notifika ba parte Governu, Parlamentu no entidade auditór atu bele kumpre buat ne’ebé Tribunál Rekursu ezerse iha Kamara Konta atu haree.

Notísia Relevante : Prezidente RAEOA Afirma Ró Haksolok Sei Mai

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here