Ró Haksolok. Imajen dok. ZEESM

OEKUSI, 24 maiu 2019 (TATOLI) – Prezidente Rejiaun Administrativa Espesiál Oekusi Ambenu (RAEOA), Mari Alkatiri, afirma ró Haksolok sei mai Timor no halo timoroan hotu haksolok.

“Ró haksolok sei mai no ita hotu sei haksolok”, katak nia ba TATOLI, I.P iha Oekusi hafoin lansa Planu Estratéjiku Rejionál nian, ohin.

Tuir nia problema ró haksolok la’ós ho Timor-Leste maibé empreza ne’ebé uluk ita halo adjudikasaun maka iha kestaun finanseira.

Maibé foin lais ministru transporte no komunikasaun ba haree ona ró Haksolok, ró sei iha nafatin, prosesu ne’e maka agora hein empreza ne’e rezolve nia problema jestaun hafoin ró bele mai.

Nia kritika mós Parlamentu Nasionál ne’ebé foin lais levanta kestaun ró Haksolok, nia argumenta atu labele preokupa demais asuntu ne’e, enkuantu ponte komponente navál nian paradu hela, relatóriu tribunál kontas nian ba instituisaun Estadu sira no seluk tan.

Entretantu, nia afirma: “Ha’u nia mandatu besik ramata ona hanesan Prezidente ZEEMS (Zona Espesiál ba Ekonomia Sosiál Merkadu) maibé hanesan fundadór, ha’u nia mandatu sei la hotu”.

Jornalista: Zezito Silva

Editora: Rita Almeida

Notísia relevante:

http://www.tatoli.tl/2018/01/kompania-halo-ro-haksolok-iha-divida-laos-governu/

http://www.tatoli.tl/2017/05/ro-ahi-haksolok-feleicidade/

http://www.tatoli.tl/2018/09/ro-haksolok-responsabilidade-governu-maibe-kompetensia-zeesm/

http://www.tatoli.tl/2018/11/ro-haksolok-seidauk-bele-mai-timor/

HAKEREK NO HATÁN

Please enter your comment!
Please enter your name here