JornalistaTatoli halo hela entervista ho MNEK, Adlajiza Magno.

DILI, 25 setembru 2020 (TATOLI)-Ministra Negósiu Estranjeiru no Kooperasaun (MNEK), Adalzija Magno, hatete tetu fiskál 2020 nian, MNEK prevee millaun $ 7.888,020 husi item bens servisu hodi selu dividas.

“Ami iha osan 7,883,020 hosi bens servisu hodi selu dividas, la’ós iha ne’e de’it maibé ba Embaixada hotu,” Adaljiza Magno, informa ba Tatoli, iha ninia servisu fatin Praia dos Coqeiros Dili, sesta ne’e.

Notísia Relevante :MNEK hamenus osan viajen estranjeiru

Dividas MNEK nian maka atu selu manutensaun eletrisidade, AC, bee no seluk tan.

Antes ne’e,  Adalzija Magno, hateten tuir proposta antes ne’e, MNEK propoin millaun $ 26-resin ba tetu fiskál 2020, maibé agora tenki redúz ba millaun $ 20,787,774.

Husi totál millaun $ 20-resin ne’e, nia dehan aloka ba saláriu vensimentu $ 12,732,444, bens servisu $ 7,883,020, kapitál menór rihun $ 143,535, transferénsia públika rihun $ 28,775, enkuantu kapitál dezenvolvimentu laiha.

“OJE ne’e nia totál mak millaun $ 20-resin ne’e sura hotu hosi DOT (Dotasaun Orsamentu Temporariu) ne’ebé ita uza hotu ona ne’e mak tau hamutuk millaun $ 20 ne’e, nia restu mak iha fulan rua ba oin ne’e ami sei ezekuta,” nia dehan.

 Jornalista: Hortencio Sanchez

Editór : Agapito dos Santos

HAKEREK NO HATÁN

Please enter your comment!
Please enter your name here