Treinador Miro Baldo Bento ho ninia kapitaun Nelson Viegas.Imajen/Midia FFTL.

DILI, 25 setembru 2020 (TATOLI)-Rezultadu jogu entre Boavista FC vs Lica-Lica iha sesta ne’e ho rezultadu empata 2-2, tanba ne’e Treinadór Boavista, Miro Baldo Bento, rekoñese fallansu tékniku..

“Jogu ida ohin furak tebes, iha primeira parte ami derrota tia 2-0, tama ba segunda parte ami muda estratejia ami konsege responde golu rua hodi muda rezultadu ba 2-2, ida nee’e fallansu husi ami duni mak rezultadu sai nune’e, liliu ha’u hanesan treinadór ne’ebé foti desizaun,” nia hateten iha konferénsia imprensa iha Estádiu Munisipál Dili.

Notísia Relevante :Empata 2-2, Boavista ho Lica-Lica fahe pontu ba malu

Tuir nia loloos ne’e iha primeira parte, jogadór sira tenki implementa estratéjia ne’e trasa ona hodi fó presaun ba ninia adversáriu Lica-Lica maibé la konsege.

Nia sente triste ninia klube hanesan primeiru divizaun maibé jogadór sira la konsege manán jogu ne’e.

“Los duni Lica-Lica ekipa segunda divizaun ida, Boavista ekipa Zigante ida, klube hotu kuandu hasoru Bovista sira esforsu maka’as loos hakarak manán no lakon mós sira sente normal tanba Boavista klube b’ot, maibé ohin ne’e rezultadu oinseluk,” nia dehan.

Iha jogu ne’e, guarda rede prinsipál Boavista Fc lá partisipa, treinadór ne’e esplika, “Ida ne’e fallansu mós hosi ami, desizaun ami nian mak hanesan ne’e, hakarak atu promove baliza ida rezerva ne’e, nia baliza di’ak maibé mentalidade mak seidauk di’ak.”

iha Sorin seluk treinadór Lica-Lica, Octaviano Pinto, hatete la espera bele fahe pontu ho klube zigante hanesan Boavista.

“Ami lá espera bele empata ho Boavista, iha primeira parte ami hatudu jogu ne’ebé mak di’ak konsege manán tia 2-0, maibé iha segunda parte fallansu hosi jogadór mediu no defeza joga tama liu ba laran mak ami hodi sofre tia golu rua ne’e,” nia dehan.

Maski empata nia agradese ba jogadór sira tanba hatudu ona prestasaun di’ak iha jogu ne’e.

Jornalista: Hortencio Sanchez

Editór : Agapito dos Santos

HAKEREK NO HATÁN

Please enter your comment!
Please enter your name here