Labarik Feto ida tuur hein hela nia bee hafoin kuru iha Mota Bekusi.Imajen/Antonio Goncalves

ERMERA, 25 setembru 2020 (TATOLI)-Eskola Ensinu Báziku Filiál I,II siklu Eraulu, Postu Administrativu Letefoho Munisípiu Ermera falta bee moos tanba ne’e obriga estudante sira lorloron tenki lori bee moos ba eskola.

Koordenadór EBF Eraulu, Patricio de Jesus Soares, hateten durante tinan barak ona eskola ne’e laiha bee moos maibé to’o agora seidauk hetan atensaun husi parte relevantes.

Notísia Relevante :EBF Lelaus Dare laiha bee moos

“Ita iha duni bee matan ida maibé ninia distansia kuaze metru 200, problema mak bee matan ne’e ninia jeografikamente iha liu kle’an. ne’eduni apoiu ne’ebé mak ita husu ona ba ajénsia internasionál no lokál sira inklui Ministériu rasik to’o agora seidauk hetan resposta,” nia hateten ba Tatoli iha Eraulu, sesta ne’e.

Atu responde nesesidade iha eskola ne’e maka kada loron estudante ida tenki lori bee moos litru lima hodi enxe iha hariis fatin.

Notísia Relevante :Eskola 28 Novembru Preokupa Bee no Eletrisidade

Jornalista : Tomé Amado

Editór : Agapito dos Santos

HAKEREK NO HATÁN

Please enter your comment!
Please enter your name here