Sekretaria Estadu Pretensaun Sivíl (SEPS) hala’o enkontru ho parseiru estratéjiku sira. Dili, 22 setembru 2020. Imajen/MI

DILI, 22 setembru 2020 (TATOLI)-Sekretaria Estadu Pretensaun Sivíl (SEPS), ohin, hala’o enkontru ho parseiru sira, kompostu husi korpu diplomátiku, ajénsia Nasoins Unidas, ajénsia internasionál no parseiru  nasionál iha Timor-Leste hodi ko’alia kooperasaun servisu iha area protesaun sivíl.

Notísia Relevante : Sei akontese udan ho anin-boot

Enkontru ne’e hala’o iha hotel J.L Villa, Fatuhada, Dili, ne’ebé ofisiálmente abertura husi Vise Ministru Interior (MI), António Armindo  no hetan partisipa husi korpu diplomátiku sira no reprezentante ajénsia Nosoins Unidas nian iha Timor-Leste no sira seluk tan.

Sekretáriu Estadu SEPS, Joaquin Gusmão, hateten, enkontru ne’ebé boot  lidera husi SEPS ne’ebé foin primeira vez  realiza ho parseiru sira hotu ho objetivu primeiru maka atu fó apresiasaun no agradese ba parseiru sira ne’e, tanba durante sira-nia parte presta ona servisu hodi apoiu SEPS relativamente ho akontesimentu dezastre naturaís ne’ebé akontese iha Timor-Leste.

Durante ne’e sorumutuk SEPS introdús planu prioridade ba kooperasaun internasionál nian, liga ba institusionál  ba legalidade, rekursu umanu, ekipamentu no infraestrutura.

Joaquin Gusmão hateten, servisu protesaun sivíl ne’e operasionál liga ba instituisaun sira hodi koordena nasaun sira seluk liu-liu hanesan Austrália ho Indonézia no parseiru estratéjiku sira seluk tan.

SEPS mo partilla lei protesaun sivíl ne’ebé daudaun ne’e diskute hela iha Parlamentu Nasionál hafoin Prezidente Repúblika veta, tanba ne’e hein katak lei ne’e rasik bainhira hetan ona promulgasaun   sai matadalan ba dezenvolvimentu iha area protesaun sivíl nian ho di’ak liután.

SEPS  louva enkontru multilateral ho parseiru  oinsá hodi ko’alia ba malu no partilla informasaun relevante sira, inklui  SEPS nia papél rasik.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here