DILI, 22 setembru 2020 (TATOLI)–Diretór Nasionál Organizasaun Urbana, Ministériu Adminsitrasaun Estatál (DNOU-MAE), Hermínio Moniz Ribeiro, hateten Governu hanoin ona atu futuru halo tan lixeiru hodi antesipa ba Tibar nian tanba Governu seidauk iha polítika resiklajen ida hodi halo separasaun lixu entaun Tibar ne’e iha kurtu prazu bele nakonu lalais.

Notísia Relevante: Pesoál saneamentu raut lixu tonelada 180 kada loron

“Governu hanoin ona atu halo tan lixeiru (lixu fatin)  foun hanesan iha Tibar atu bele akumula lixu tanba ita seidauk iha polítika resiklajen ida hodi halo separasaun lixu. Tanba realidade lixu hotu-hotu soe iha Tibar entaun iha loron ruma nia bele nakonu lalais,” Diretór DNOU-MAE, Hermínio Moniz Ribeiro, dehan ba Agência TATOLI iha nia knaar fatin MAE, Colmera, Dili, tersa ne’e.

Tuir nia, Governu sei alarga tan lixeiru ne’e iha Munisípiu Manatuto ka Metinaro nian, se lae alarga fali ba Liquiça no Ermera nian maibé planu hirak ne’e sei iha diskusaun nia-laran. 

Nia dehan, ba lixeiru ne’e presiza iha estudu ida kle’an atu oinsá kria lixeiru ne’e tenke iha fatin estratéjia ida no tenke dook hosi komunidade sira-nia hela fatin.

“Ita hili fatin hirak ne’e hodi bele akumula hotu lixu no la’ós de’it akumula lixu maibé mós tenke iha fatin estratéjiku no dook hosi komunidade no labale iha afetasaun saúde ba iha komunidade sira no mós  haree ba impaktu ambientál no abitasaun nian,” nia dehan. 

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here