Juis Administradór Tribunal Distritál Dili (TDD), Afonso Carmona. Imajen/Dok. Tatoli

DILI, 21 setembru 2020 (TATOLI)-Tribunál Distritál Dili (TDD) sei  hala’o julgamentu movel to’o ba iha suku hodi aselera prosesu justisa sira.

Notísia Relevante : TDD kobre reseita $398,127.65

“Ita agora iha ona estratéjia atu redús prosesu, ne’ebé tribunál movel daudaun lao hela ita hanoin  oinsá reforsa to’o ba suku sira nune’e bele fasilita julgamentu di’ak liu tan,” hateten Juiz Administradór Tribunál Distritál Dili (TDD), Afonso Carmona, ohin, ba Agência Tatoli, iha nia kna’ar fatin, Mandarin, Dili.

Julgamentu movel ne’e TDD kobre area Dili rasik, Munisípiu Ermera, Liquiça no Aileu, ho objetivu hodi justisa hakbesik ba povu, liu-liu ba vuneravel sira  ho natureza kazu violénsia doméstika no seluk ne’ebé envolve ema vulneravel laiha transporte to’o mai iha Dili.

Juis Afonso Carmona hateten, iha ona planu hodi identifika iha area hanesan iha Atsabe, Hatulia, Maubara parte Salele, Aileu parte besik ba Maubesi, Lekidoe nian ne’ebé iha populasaun ho  problema transporte tanba ne’e sei fasilita julgamentu to’o suku ne’ebé nesesáriu duni.

Tribunál mós sei identifika didi’ak númeru kazu rejista  iha area sira ne’e hodi koloka juis sira sei deskola hodi realiza julgamentu movel.

Tuir dadus husi TDD hahú hosi janeiru to’o maiu, tinan ne’e, kazu krime ne’ebé finaliza hamutuk 494, kazu pendente 2.054 no kazu foun hamutuk 518, totál kazu sira ne’e seidauk konta ho  juñu ho jullu. Aleinde ne’e, kazu sivíl ne’ebé finaliza durante janeiru to’o maiu hamutuk 89, kazu sivíl foun 112, no kazu sivíl pendente hamutuk 5109

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here