Logotipu TDD. Imajen Tatoli/Egas Cristóvão

DILI, 21 setembru 2020 (TATOLI)-Tribunál Distritál Dili (TDD) iha inísiu janeiru to’o setembru, tinan ne’e, kobre reseita hamutuk $398,127.65 hodi kontribui ba kofre Estadu.

Juis Administradór TDD, Afonso Carmona hateten, reseita ne’e rekolla mai husi selu multa no selu kustu judisiáriu ba arguidu no arguidu ne’ebé iha desizaun Tribunál nian kondena ka aplika ba sira.

Juiz Administradór TDD, Afonso Carmona. Imajen/Dok.Tatoli

Juis Administradór TDD, Afonso Carmona ba Agência Tatoli, ohin, iha nia kna’ar fatin, Mandarin, Dili, hateten, aplikasaun selu kusta judisiária ne’e mínimu $10.00 ba juis singular no $20.00 ba juis koletivu. Ba multa iha kategoria rua; ida ba arguidu ne’ebé notifikadu la marka prezensa tenke iha justifikasaun durante loron lima kuandu laiha mak  sei hetan multa no ba arguidu/arguida hetan kondenadu depende kazu husi desizaun Tribunál nian rasik hodi selu mós.

“Husi reseita  kobre kona-ba ema hira mak selu husi kazu saida-saida ha’u seidauk iha dadus  tanba sei hein dadus husi parte tékniku sira, maibé iha  ema barak mak selu,” Afonso Carmona hateten.

Tuir dadus ne’ebé Agência Tatoli asesu iha TDD hahú husi janeiru to’o maiu,  tinan ne’e, kazu krime ne’ebé finaliza hamutuk 494, kazu pendente 2054 no kazu foun hamutuk 518, totál kazu sira-ne’e seidauk konta ho juñu no jullu.

Aleinde ne’e, kazu sivíl ne’ebé finaliza durante janeiru to’o maiu hamutuk 89, kazu sivíl foun 112, no kazu sivíl pendente hamutuk 5109

 Jornalista  : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here