Diretór Edukasaun Rejionál Oekuse, Daniel Mauno. Imajen TATOLI/Cipriano Colo

DILI, 21 setembru 2020 (TATOLI)-Diretór Servisu Edukasaun Rejiaun Administrativa Espesiál Oé-Cusse Ambeno (RAEOA), Daniel Mauno, hateten daudaun ne’e falta de’it eskola ensinu báziku hamutuk sia maka seidauk re-ativa ninia prosesu aprendijazen ba estudante sira iha Oé-Cusse.

“Maioria eskola ensinu sekundariu ita re-ativa hotu ona agora falta de’it eskola sia husi ensinu báziku 123 seluk mak seidauk,” katak nia ba Tatoli via telefone, segunda ne’e.

Notísia Relevante :RAEOA foin re-ativa eskola tolu

Rajaun seidauk re-ativa eskola sia ne’e, nia dehan tanba seidauk kompleta rekezitu no padraun prevensaun COVID-19 nian maka instala ekipamentu prevensaun hanesan tanke no torneira fase liman, garante distansia sosiál, uza máskara no seluk tan.

“Ita nia ekipa tun filafali ba eskola sira ne’ebé foin lalais hetan observasaun hodi haree fila fali sira nia preparasaun hodi bele re-ativa prosesu ensinu aprendizajen iha eskola sia ne’e,” katak nia.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here