Deputada CNRT, Carmelita Caetano Moniz. Imajen/dok.TATOLI

DILI, 17 setembru 2020 (TATOLI)–Membru Parlamentu Nasional hosi CNRT, Carmelita Moniz, hateten diferensa entre sistema reprezentativu proporsionál no reprezentativu maioritária maka iha sistema reprezentativu proporsionál ne’ebé mak fó importánsia liu ba partidu kiik sira.

Notísia Relevante: Komunidade maioria ladún iha koñesimentu kona-ba sistema eleitorál

“Sistema reprezentativu proporsionál ne’ebé mak fó importánsia liu ba partidu kiik sira tanba ne’e  partidu kiik mós iha oportunidade atu hetan kadeira maibé difísil hodi sistema ida-ne’e obriga partidu sira junta hamutuk. Entaun, ida-ne’e bele sai problema ba estabilidade governativa no bele akontese frajilidade polítika ka krize no impase polítika bele mosu beibeik,” dehan Carmelita Moniz nu’udar panelista iha diskusaun Meza Kabuar ke’ebé Kdadalak Institute of Public Policy (KDA’I) kona-ba demokrásia, reprezentasaun no sistema akuntabilidade polítika iha TL, iha salaun CVTL, Bairu Formoza, Dili, kinta ne’e. 

“Nia hatutan, reprezentativu maioritária ne’e partidu kiik sei laiha enkuantu to’o iha oportunidade hetan kadeira ba votu sei fahe barak liu ba partidu boot sira.

Atuál deputada bankada CNRT ne’e hateten, iha momentu ida partidu boot ida ukun, iha periodu seluk partidu boot ne’ebé uluk iha opozisaun bele ukun hikas. Ida-ne’e ema hanaran bipolarizasaun ba sosiedade ka sosiedade fahe ba rua de’it tanba partidu ne’ebé iha maioria bele ukun.

Tanba, nia hateten, konsentra iha partidu ida ka iha partidu seluk, se haree ba eleitorál, sistema rua ne’e karik iha nasaun pós-konflitu di’ak liu ita opta ba sistema maioritáriu hodi garante estabilidade governativa.

“Tuir ha’u-nia hanoin, di’ak liu ita iha estabilidade governativa ka Governu forma nebe estável ho durasaun másimu nune’e bele lori dezenvolvimentu ba povu duke espalla pope votus iha uza globál no la fó tempu atu Governu ida bele ezekuta ninia programa ho di’ak,” nia dehan. 

Tuir nia, prejudika estabilidade maibé ida ne’e ezije estudu kle’an no reflesaun ka hola desizaun liuhosi revizaun konstitusionál saida de’it iha mundu ne’ebé iha nia reflesaun vantajén ba sistema proporsional reprezentasaun hodi oportunidade ba partidu kiik no bele mós tuur iha Governu.   

“Ida-ne’e bele provoka krize ka impase polítiku no instabilidade governativa no dala ruma mós kualidade governativa tau einkauza no ida-ne’e fó impaktu tebes ba dezenvolvimentu nasaun ne’e nian,” Carmelita hateten. 

Iha sorin seluk, nia dehan, sistema maioritáriu lori vantajem mak forma Governu ne’ebé forte no estável, maibé iha desvantajem tanba partidus kiik la iha reprezentasaun iha Governu ka laiha oportunidade atu ukun. 

Sistema reprezentasaun proporsionál mós sistema mistu partidu polítiku ne’ebé bele iha diferensa kona-ba dependénsia sidadaun ba partidu polítiku, se lei fó dalan hodi ema independente ne’ebé la identifika nia-aan ho kualkér partidu partidu.

“Kona-ba akuntabilidade polítika, tuir ha’u-nia hanoin akontese kada tinan lima (5), populasaun vota hodi hili ninia reprezentante, kuandu eleitu sira la kumpre povu nia promesa,” nia dehan. 

Membru PN ne’e haktuir, iha maneira seluk mós populasaun bele halo presaun liuhosi manifestasaun, mídia sosiál, hodi espresa sira-nia opiniaun ka halo presaun hodi provoka mudansa ba sosiedade.

“Ida ne’e hatudu mai ita hanesan frog acontability politic  ne’ebé sempre akontese iha kualker sistema.  Tanba ne’e ita hotu presiza halo estudu, análiza ida no peskiza klean hodi haree kestaun hirak ne’e,” nia hateten. 

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here