Ministru Ensinu Superiór, Siénsia no Kultura, Longuinhos dos Santos. Imajen Tatoli/Egas Cristovão

DILI, 17 setembru 2020 (TATOLI)-Ministru Ensinu Superiór Siénsia no Kultura (MESSK), Longuinhos dos Santos, informa nia parte aprezenta ona rezultadu levantamentu dadus kona-ba uma ka’in 44 ne’ebé afetadu ba projetu konstrusaun Sidade Universitáriu Aileu, ba Konsellu Ministru hodi halo indemnizasaun.

“Levantamentu dadus ba uma ka’in 44 ne’e hotu ona, semana kotuk ita-nia ekipa tuun ona bá terrenu hamutuk ho autoridade lokál sira hodi verifika dadus, ,” dehan nia ba jornalista sira iha ninia servisu fatin, Colmera Dili, kinta ne’e.

Notísia Relevante :Planu Harii Sidade Universitária, Na´in Ba Rai: “Ami Lakohi Fó Tanba Ami-nia Moris”

Tuir planu iha semana oin, Governu liuhosi MESSK sei públiku dadus hirak ne’e iha Munisípiu Aileu atu nune’e uma ka’in afetadu sira bele haree sira-nia naran tama iha lista indemnizasaun ka lae.

“Kuandu ita taka ona dadus ne’e mai laiha Komunidade ida mak reklama signfika dadus ne’e ita sei aprezenta ba Konsellu-Ministru hodi hetan aprovasaun ho ida ne’e mak ita foin bele deside montante ba indemnizasaun loloos atu fó ba  uma ka’in 44 ne’e,” nia hatutan.

Maski foti ona dadus maibé Governu seidauk bele fó sai orariu no osan hirak maka Governu sei fó ba kada uma ka’in afetadu sira.

Entretantu, tuir planu iha tinan 2021, Governu sei hahú ona prosesu konstrusaun projetu Sidade Universitáriu Aileu.

Notísia Relevante :Governu Prepara Rezolusaun Kona-ba Indemnizasaun ba Komunidade Aileu

Jornalista : Tomé Amado

Editór        : Agapito dos Santos

HAKEREK NO HATÁN

Please enter your comment!
Please enter your name here