Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 17 setembru 2020 (TATOLI)-Konsellu Administrasaun Fundu Dezenvolvimentu kapitál Umanu (FDCH), kinta ne’e halo apresiasaun ba tetu fiskál 2021 ne’ebé maka simu ona husi Ministériu Finansa ho montante millaun $13.

Prezidente Konsellu Administrasaun FDCH, atuál Ministru Ensinu Superiór Siénsia no Kultura (MESSK), Longuinhos dos Santos, hateten orsamentu ne’e sei ezekuta ba planu prioridade maka formasaun profesionál, tékniku, bolsa estudu ba funsionário sira, dosente inklui programa sira seluk tan.

Notísia Relevante :FDCH ho ANATL Anúnsiu Oportunidade Bolsu Estudu Ba Timoroan

“Orsamentu tetu agregadu ho montante $13 millaun ne’e ita aprova baseia ba proposta ne’ebé mak hato’o husi Ministériu Finansa mai KA-FDCH,” informa nia ba jornalista sira iha salaun MESSK  ho ekipa halo apresiasaun ba tetu fiskál 2021.

Programa formasaun rekursu umanu ne’e sei kabe ba programa liña ministeriál sira nian ne’ebé integra iha fundu FDCH hodi apoiu bolsa estudu ba Instituisaun Ensinu Superiór Públiku no Privada (IESPP) iha rai-laran, estranjeiru no mós apoiu ba kbi’it la’ek sira.

Maski ohin, Konsellu Administrasaun FDCH aprova ona tetu fiskál ne’e, maibé instituisaun planea sei propoin tan proposta orsamentu adisionál ba Ministériu Finansa liliu Komisaun Revizaun Orsamentu Polítika (KROP), no Unidade Planeamentu Monitorizasaun no Avaliasaun (UPMA).

Entertantu, Komisaun Administrasaun FDCH ne’e akumula Instituisaun Estadu hamutuk lima, MESSK nu’udar Prezidente Konsellu Administrasaun ho membru sira mak hanesan Ministériu Justisa, Ministériu Finansa, Ministériu Petróliu no Minarai inklui  Sekretáriu Estadu Formasaun Profesionál no Empregu (SEFOPE).

Notísia Relevante :FDCH Sei Propoen Programa “Família Ida, Bolsu Estudu Ida”

Jornalista : Tomé Amado.

Editór       : Agapito dos Santos

HAKEREK NO HATÁN

Please enter your comment!
Please enter your name here