Sekretaria Ezekutiva FDCH interina, Leila Cárceres dos Santos akompaña husi Prezidente Konsellu Administrasaun ANATL.EP, Romualdo da Silva no diretór sira, anúnsiu ba vaga bolsa estudu ba Timoroan na’in neen iha sala VIP Aeroportu Internasionál Prezidente Nicolau Lobato, Tersa (09/07/2019). Imajen/FDCH

DILI, 09 jullu 2019 (TATOLI)-Fundu Dezenvolvimentu Kapitál Umanu (FDCH-sigla portugés) ho Konsellu Administrasaun Aeroportu no Navegasaun Aérea Timor Leste (ANATL), ohin, ofisiálmente anúnsiu konkursu públiku ba timoroan hotu ne’ebé hakarak konkorre ba oportunidade bolsu estudu iha area tolu.

Liuhusi konferénsia imprensa iha Sala VIP Aeroportu Internasionál Prezidente Nicolau Lobato, Comoro, Dili, Sekretaria Ezekutiva FDCH Leila Cárceres dos Santos ho Prezidente Konsellu Administrasaun ANATL, EP, Romualdo da Silva, ne’ebé akompaña husi diretór sira,  informa katak, oportunidade vaga bolsa estudu ho nivel diploma trés (D3) ne’ebé atribui ba Timoroan sira atu konkorre ne’e, iha área tolu, kompostu husi Air Traffic Control (ATC) vaga ba ema na’in rua (2), Airport Electricity vaga ba ema na’in rua (2) ho mós Airport Engineering ba ema na’in rua (2).

Hahú loron 15 jullu, tinan ne’e, aplikante sira bele hatama ona sira nia rekerimentu aplikasaun hodi konkorre ba oportunidade bolsu estudu neen (6) ne’ebé atu ba eskola iha Poltegbang (Politeknik Penerbangan) Surabaya-Indonézia.

Iha loron 17 juñu liubá, Sekretáriu Ezekutivu FDCH, Isménio Martins da Silva ho Xefe Departamentu Pesquisa GAPPEFIV, Hermenegildo da Silva hala’o enkontru ho Prezidente ANATL,E.P. Romualdo  da Silva hodi  entrega karta pedidu ba FDCH hodi akompaña ho Presidente Konsellu Administrasaun ANATL,E.P hodi dezloka ba iha Poltegbang-Surabaya para asina LoA ho Contract Agreement ne’ebé diskusaun ba draft halo ona iha loron 25-26 Abril 2019.

 Iha ne’e FDCH sei sai nu’udar sasin ba iha asina LoA no Contract Agreement nune’e parte rua bele hamutuk halo selesaun ba estudante hirak ne’ebé sei ba halo estudu iha Poltegbang ho títulu Diploma III (D3).

Jornalista         : Eugénio Pereira

Editór               : Francisco Simões

2 KOMENTÁRIU

  1. Ho Respeito…..Hakarak husu Informasaun kona ba Bolsu Estudu ne’ebe publika sai liu husi media sosial, oinsa maka bele registu ? Obrigado husu Ita bo’ot nia tulun!

HAKEREK NO HATÁN

Please enter your comment!
Please enter your name here