Prezidente Repúblika, Francisco Guterres Lú Olo. Imajen António Gonçalves

DILI, 15 setembru 2020 (TATOLI)—Maske lei Medida Prevensaun no Kombate Korrupsaun (MPCC-sigla portugés) seidauk kompleta loron 180 maibé Prezidente Repúblika, Francisco Guterres “Lú Olo”, fó hanoin ba Parlamentu Nasionál no Governu atu serbisu hamutuk no apoia Komisaun Antí Korrupsaun (CAC-sigla portugés) atu implementa lei refere iha futuru.

Notísia RelevantePN-Governu presiza elabora polítika hodi fó kbiit ba Estadu hasoru COVID-19

“Parlamentu Nasionál no Governu presiza fó apoiu no serbisu hamutuk ho Komisaun Anti Korrupsaun, Prokuradória Jerál Repúblika, Polísia Sientífika no Investigasaun Kriminál no Tribunál sira, ho vontade polítika metin no konsistente no tuir kritériu rigór no responsabilidade atu nune’e garante susesu ba  luta ida-ne’e,” Xefe Estadu fó hanoin ne’e liuhosi ámbitu sesaun abertura lejizlativa datoluk ba lejizlatura dalima, iha plenária Parlamentu Nasionál, tersa ne’e.

Prezidente Repúblika, Francisco Guterres “Lú Olo”, ho laran-haksolok promulga ona Lei Anti Korrupsaun ka Medida Prevensaun no Kombate Korrupsaun (MPCC) ne’e iha  24 agostu liubá.

Xefe Estadu mós apela ba timoroan tomak atu hatudu kaer-metin nafatin vontade polítika firme no konsiente hodi garante instituisaun Estadu sira-nia integridade, transparénsia, efisiénsia no efikásia ba serbí interese públiku.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here