Diretór Ezekutivu ANAAA, Edmundo da Silva Viegas. Foto: UNILAB

DILI, 14 setembru 2020 (TATOLI)-Diretór Ezekutivu Ajénsia Nasionál Avaliasaun no Akreditasaun Akadémiku (ANAAA), Edmundo Viegas, hateten rezultadu avaliasaun ba Instituisaun Ensinu Superiór Públiku no privadu hamutuk 14, maibé haat maka hetan valór aas ho pursentajen 70-resin.

IESPP haat ne’e maka Dili Institute of Tecnology (DIT), Institute Profesionál de Canosa (IPDC), Institute Of Bussines no ICFP.

Notísia Relevante :ANAAA avalia ona kursu 105, ida taka

Husi parte IPDC, ANAAA halo avaliasaun ba kursu tolu,  kursu rua hetan valór B no ida hetan C, kursu tolu ne’e maka jestaun administrativa, téknika komputadór no informátika ho ninia valór husi pursentu 75 to’o 89.

Husi DIT, IOB no ICFP hetan klasifikasaun B menus,  nune’e maka ANAAA halo hela aproximasaun ho instituisaun tolu ne’e tanba kategoria klasifikasaun ba akreditasaun programátiku la ejizte valór B menus (B-).

Universidade da Páz (UNPAZ), Institutu Superiór Kristál (ISC-sigla portugés), Universidade Nasionál Timor Lorosa’e (UNTL) no Institutu Siénsia Relijoza (ICR-sigla portugés) hetan valór C+.

Maibe Universidade Dili (UNDIL), Universidade Orientál Timor Lorosa’e (UNITAL) no East Timor Coffee Institute (ETCI) kontinua mantein ho valór C.

Edmundo esplika to’o agora laiha IESPP ida maka atinje  akreditasaun programátiku  no institusionál ho valór A.

tanba ne’e ANAAA  iha ona planu sei halo tan avaliasaun ba universidade hirak ne’e iha tinan 2021.

Entertantu, husi total kursu 105 ne’ebé maka ejiste iha IESPP, kursu 18 maka ho pursentajen B, sufisiente 76 no la akreditadu hamutuk neen.

”Ita klasifika ba pursentazen karik A sei zero, B pursentu 18 no sufisiente ka C pursentu 76 no la akreditadu pursentu neen,” nia relata.

Atu hetan akreditasaun ho valór di’ak maka nia apela ba IESPP sira atu garante kualidade edukasaun ba estudante sira.

“Ami apela nafatin ba IESPP sira atu kontinua servisu hamutuk tanba ami mesak labele halo buat ida tanba kultura kualidade ne’e tenki mosu husi imi-nia instituisaun rasik,” nia dehan.

Notísia Relevante :ANAAA Ejize Universidade Sira Investe Maka’as iha Rekursu Umanu

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here