John Beresford Calder, sidadaun Nova Zelándia dada lia hela ho pesoál Servisu Migrasaun Timor-Leste. Imajen/MI

DILI, 10  setembru 2020 (TATOLI)-Governu Timor-Leste liuhusi Diresaun Nasionál Servisu Migrasaun, Ministériu Interior (MI), ohin entrega hikas John Beresford Calder  nu’udar sidadaun Nova Zelándia ba Embaixada Nova Zelándia iha Timor-Leste.

Notísia Relevante : PNTL investiga sidadaun Nova Zelándia no Indonéziu tama ilegál ba Atauro

Serimónia entrega hikas sidadaun Nova Zelándia, John Beresford Calder husi Servisu Migrasaun Timor-Leste ba Embaixada Nova Zelándia iha Dili, 10 setembru 2020. Imajen/MI

Serimónia ‘hand over’  ne’e ofisiálmente lidera husi  Diretór Jerál Servisu Migrasaun Timor-Leste,  Superintendente Polísia, Agostinho Gomes, hodi entrega entrega hikas dokumentu hanesan pasaporte no dokumentu sira seluk ba sidadaun Nova Zelándia ne’e, ne’ebe simu direita husi Primeiru Sekretáriu Embaixada Nova Zelándia nian iha Dili, Cooper Shcumann no akompaña mós kargu xefia Servisu Migrasaun   ne’ebé hala’o iha salaun MI, Caicoli, Dili.

Agostinho Gomes, hateten, sidadaun estranjeiru ho pasaporte Nova Zelándia  ne’e tama territóriu Timor-Leste através husi Postu Administrativu Ataúro, Munisípiu Dili iha loron 13 agostu 2020.

Nia konsidera, viajen John Beresford Calder  ne’e ho situasaun extensional tanba Timor-Leste loloos la’ós sai destinasaun, tanba ho viajen sidadaun ne’e atu ba Alor-Indonézia, maibé iha tasi  klaran roo ne’ebé nia uza aat entaun nia deside hodi nani iha tasi klaran durante oras rua mai Atauro.

To’o iha tasi-ibun Ataúro nian, komunidade sira hetan John Beresford Calder   hodi informa ba  parte Komandu Eskuadra Polísia Atauro no koordena ho ekipa COVID-19 lori ba submete iha konfinamentu obrigatóriu ka kuarentena iha Faról-Dili durante loron 14.

Kumpre tiha konfinamentu obrigatóriu, Servisu Migrasaun Timor-Leste halo investigasaun no  ekipa investigadór  sira konklui la hetan indísiu krime, tanba  ne’e Migrasaun  deside aplika     abandona voluntáriu.

“Ohin, ita hala’o serimónia entrega fila-fali sidadaun Nova Zelándia ba  iha Embaixada Nova Zelándia iha Timor-Leste  hodi nune’e bele  haruka fila-fali  nia ba nia nasaun orijen,” hateten Diretór Jerál Servisu Migrasaun,  Superintendente Agostinho Gomes.

Primeiru Sekretáriu Embaixada Nova Zelándia iha Dili, Cooper Shcumann, agradese ba Governu Timor-Leste ne’ebé fó ona asisténsia di’ak ba sira nia sidadaun antes ne’e hasoru situasaun difisil to’o ohin  ho kondisaun di’ak  nafatin.

Jornalista       : Nelson de Sousa

Editór             : Francisco Simões

HAKEREK NO HATÁN

Please enter your comment!
Please enter your name here