Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu. Imajen Tatoli/Egas Cristovão

DILI, 09 setembru 2020 (TATOLI)-Ezekutivu sira liuhosi reuniaun Konsellu Ministru (KM) aprova ona projetu rezolusaun Governu kona-ba programa reforma administrasaun públika ba períodu tinan 2019 to’o 2023 no estabelese mekanizmu akompañamentu nian.

Projetu ne’e aprezenta hosi Ministru Prezidénsia Konsellu Ministru, Fidelis Manuel Leite Magalhães.

Governante ne’e esplika, reforma administrasaun públika mai ho objetivu atu transforma administrasaun públika ne’ebé haree liubá estrutura no podér sentrál.

Notísia Relevante: CFP hato’o pareser polítika reforma administrasaun públika ba Xefe Governu

“Reforma ne’e hakarak haklean prosesu prestasaun servisu, fortalese responsabilidade no insentivu dezempeñu, hadi’a jestaun no dezenvolvimentu rekursu umanu, revee funsaun no estrutura administrasaun públika inklui hadi’a servisu administrativu sira ne’ebé presta ba sidadaun no empreza sira,” relata Ministru Fidelis, hafoin ramata reuniaun KM iha Palásiu Governu, kuarta ne’e.

Nia subliña, atu halo monitorizasaun ba implementasaun programa reforma ne’e maka Governu kria ona komisaun interministeriál ba akompañamentu ne’ebé prezide hosi Ministru Prezidénsia Konsellu Ministru no sei integra Ministru no entidade relevante sira iha matéria ne’e.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here