Ministru ba Asuntus Kombatentes Libertasaun Nasionál, Júlio Sarmento da Costa "Meta Mali". Imajen/Egas Cristovão

DILI, 08 setembru 2020 (TATOLI)—Centro Nacional Chega (CNC) servisu hamutuk ho Asosiasaun Levantamentu Armada no Masakre Kraras 1983 (ALARMA’83) no Klibur Intelektual Bibileo (KIBI), ohin, organiza komemorasaun Levantamentu no Masakre Kraras 1983 ho semináriu nasional iha Salaun Koneferénsia, Centro Nacional Chega, Antigu Komarka, Balide Dili.

Notísia Relevante: Agora tempu ba foinsa’e sira luta ba dezenvolvimentu ho estuda makaas

Ministru Asuntu Kombatente Libertasaun Nasionál (MAKLN), Julio da Costa ‘Meta Malik’, hato’o nia intervensaun iha abertura ne’e hateten masakre la’ós fó triste ba ema maibé fanu ema no fanu malu atu hateke ba futuru.

“Masakre la’ós fó triste ba ema maibé fanu ema no fanu malu atu hateke ba futuru.  Tanba ne’e, mensajen ne’e labele para iha semináriu no labele para iha grupu ka enkontru de’it, maibé istória pasada ne’e ne’e tenke sai hanesan kurikulu hodi bele hanorin iha eskola hotu-hotu iha Timor laran,” Meta Malik hato’o nia intervensaun iha abertura ba Semináriu Nasionál ne’ebé hala’o iha Salaun Konferénsia CNC, Antigu Komarka, Balide, Dili, tersa ne’e.

Tanba ne’e, Meta Malik hateten, iha Timor-Leste ukun rasik-aan durante tinan 12 sura hosi restaurasaun indepenénsia maibé eskola sira seidauk iha matéria kona-ba istória pasada nian.

Tanba ne’e, nia dehan, liuhusi servisu hamutuk entre Minsitériu Edukasaun ho Centro Nacional Chega (CNC) bele implementa istória ne’e sai hanesan edukasaun sívika iha eskola sira inklui universidade sira hodi kontinua prezerva memória istória pasadu Timor nian.

“Ho ne’e, ha’u husu ba Centro Nacional Chega (CNC) atu prezerva mensajen no istoria pasada ne’e ba futuru,” Meta Malik hateten.

Jornalista: Osória Marques 

Editór: Cancio Ximenes

HAKEREK NO HATÁN

Please enter your comment!
Please enter your name here