CAC sei halo sosializasaun públiku ba lei MPCC
DILI, 07 setembru 2020 (TATOLI)-Komisaun Anti-Korrupsaun (CAC) sei halo sosializasaun públiku kona-ba lei Medida Preventiva Kombate Korrupsaun (MPCC-sigla portugés).
Notísia Relevante : Lei MPCC sei vigora iha loron 180 hafoin publikasaun
Lei MPCC ne’e aprova ona iha Parlamentu Nasional no promulga ona husi Prezidente Repúblika.
Ba Agência Tatoli, ohin, iha Palaçio do Governo, Komisáriu Adjuntu Komisaun Anti-Korrupsaun ba Asuntu Prevensaun no Sensibilizasaun, Luis de Oliveira Sampaio, hateten, daudaun ne’e CAC halo diskusaun internal hodi halibur ka identifika nesesidade planu, nune’e bele implementa ho objetivu tuir prinsípiu lei ne’e rasik.
CAC sei halo sosializasaun lei MPCC ba instituisaun Estadu hotu iha territóriu hodi hasae koñesimentu ajente públiku sira-nian ba implementasaun lei ne’e rasik bainhira vigora.
“Ba nivel prevensaun sei halo mós ho mídia sira hodi halo diskusaun ativu hodi halo prevensaun ida di’ak saida mak parte CAC ho mídia hodi halo kooperasaun ba kombate korrupsaun iha Timor-Leste,” hateten Luis de Oliveira Sampaio.
Jornalista : Nelson de Sousa
Editór : Francisco Simões
