Diretora Jerál Asuntu ASEAN, Milena Rangel.Imajen: Nelia Fernandes

DILI, 07 setembru 2020 (TATOLI)-Sekretariadu ASEAN ne’ebé daudaun ne’e lidera husi nasaun Vietname, tuir orariu iha loron 08 no 10 fulan-setembru ne’e sei halo avaliasaun ba preprasaun Timor-Leste iha pilár sosiu kultura ba adezasaun iha ASEAN liuhosi telekonferénsia.

Telekonferénsia ne’e sei hala’o iha edifísiu MNEK iha tuku 15:00 Otl; iha ne’ebé ekipa TL sei lidera husi Diretora Jerál ba Asuntu ASEAN, Milena Rangel, ho ekipa tékniku husi liña Ministeriál sira hotu.

Notísia Relevante :ASEAN avalia Timor-Leste liuhosi telekonferensia

Sorumutu via online ne’e konsidera importante ba prosesu Timor-Leste nian hodi suporta adezaun nasaun ne’e nian ba Organizasaun iha Nasaun Sudeste Aziátiku ne’e.

“Ita simu tiha ona kestionáriu ida ne’ebé ASEAN partilla mai ita antes, no Timor-Leste responde tiha ona hodi haruka filafali ba Sekretariadu ASEAN iha abríl liubá,” informa Milena iha MNEK, Praia dos Coqeiros Dili, segunda ne’e.

Estadu no Governu TL kontinua iha kompromisu polítika atu atinje objetivu ida maka adere ba ASEAN iha futuru.

“Adezaun Timor-Leste nian ba ASEAN la’o ho di’ak tanba ita kontinua respeita maneira ida ho dignu tanba ita prienxe ona rekezitus sira ne’ebé mak ASEAN hato’o mai ita,” teniktan.

TL nafatin hametin liña koordenasaun no kooperasaun no nasaun membru hamutuk 10 nune’e bele reforsa Timor-Leste ninia adezaun iha Futuru.

Notísia Relevante :ASEAN Apresia ba TL Ninia Adezaun

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here