Vise MInistru Saude, Bonifacio Maucoli dos Reis, konsulta hela pasiente sira iha Suku Balibar.Imajen/Felicidade Ximenes.

DILI, 03 setembru 2020 (TATOLI)-Ministériu Saúde, iha kinta ne’e hahú halo vizita domisiliáriu liuhosi programa saúde iha família ba uma-kain sira iha Suku Balibar, Postu Administrativu Cristo Rei Munisípiu Dili.

Diretóra Nasionál Saúde Públika, Isabel Gomes, hateten Programa vizita domisiliáriu ne’e hodi hakbesik saúde ba komunidade.

 Notísia Relevante :MS re-ativa sistema saúde iha família

Progaram saúde iha família normalmente iha Timor-Leste hanesan estratéjia públika ne’ebé integra ba pakote komprensivu ba prestasaun saúde iha família ne’ebé lansa ona iha tinan 2015 ho valór ne’ebé mak inspira iha deklarasaun alma alta no mudansa ida iha paradigma saúde ba ema hotu.

”Atu hadi’a saúde populasaun nian no atu atinje metas kuidadu saúde primária tenki lori servisu saúde ba populasaun sira nia moris fatin ne’ebé mak sira hela ba,” dehan Diretora Nasionál Saúde Publika, Isabel Gomes, iha Balibar.

Nia dehan Governu re-ativa programa ne’e hodi responde ba metas kobertura universal katak labele husik ema ida iha kotuk, ho programa saúde iha família hakbesik ba uma-kain idaidak lori povu ba moris diak.

”Programa saúde iha familia hahu ho baze atu lori komunidade no sai alternativu atu bele oferese atendimentu ba povu sira programa ida ne’e atu dezeña pakote servisu komprensivu husi kuidadu saúde primaria ba uma kain hotu liuhusi atividade mak hanesan vizita domisiliaria,konsulta klinikas,tratamentu no referensia ema hirak ne’ebé presiza atendiementu iha kuidadu saúde sekundaria tersiaria no kuatearia,” tenik tan.

Vizita domilisiáriu ne’e sei rekoilla informasaun bázika kondisaun individu, sosiedade, ekonomia idaidak nian no identifika risku ambientál ba prevensaun moras.

Nune’e mós envolve lider komunitáriu sira no partisipasaun ativu ba komunidade rasik programa saúde iha familia bele kontribui mós ba rekuperasaun ekonómika povu nian.

Partisipa iha programa vizita domisiliáriu ohin ne’e mak Vise Ministru Saúde, Bonifácio Maucoli dos Reis, Diretora Jerál Prestasaun Saúde, Odete da Silva Viegas,Reprezentante Organizasaun Mundiál Saúde (OMS), Rajesh Pandav no seluk tan.

 Notísia Relevante :OMS konsidera sistema saúde iha família importante

Jornalista : Felicdade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here