Xefe Departamentu Moras La Hada'et Ministériu Saúde (MS), Frederico Bosco. Imajen/Tatoli

DILI, 24 agostu 2020 (TATOLI)-Xefe Departementu Moras la Hada’et Ministériu Saúde, Fredérico Bosco Alves, hateten  polítika ba implementasaun sistema saúde iha família ho objetivu atu hakbesik saúde ba komunidade to’o iha área rurál.

Tuir nia sistema ne’e hanesan modelu integradu ba prestasaun koidadu saúde primária ne’ebé obriga profisionál saúde sira tenki fó atendimentu saúde ba ema hotu to’o iha baze.

Notísia Relevante :MS re-ativa sistema saúde iha família

Entretantu, Ministériu Saúde, segunda ne’e re-abertura ona polítika ba sistema saúde iha família ne’ebé tuir planu sei hahú implementa iha fulan-setembru to’o dezembru 2020.

Iha tinan 2015 liubá, Governu liuhosi Ministériu Saúde hahú implementa ona polítika ne’e hodi halo rejistu eletróniku ba komunidade, no to’o iha Mandatu Governu Konstituisaun daualu iha fulan-maiu programa ne’e paradu to’o agostu 2020.

Atu re-ativa programa ne’e maka iha fulan-jullu liubá Ministra Saúde, Odete Maria Freitas Belo, hamutuk ho Vise Ministru Saúde, Bonifácio Maucoli dos Reis, deside hodi  re-ativa sistema saúde iha família ba futuru.

Notísia Relevante :OMS konsidera sistema saúde iha família importante

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here